Расширенный поиск
25 Апреля 2024 года
Логин: Регистрация
Пароль: Забыли пароль?
Навигация
Словарь
  • От этилмеген джерден тютюн чыкъмайды.
  • Адамгъа аман кюн соруб келмейди.
  • Ёзденликни кёбю ётюрюк.
  • Уллу сёлешме да, уллу къаб.
  • Мухарны эси – ашарыкъда.
  • Танг атмайма десе да, кюн къоярыкъ тюйюлдю.
  • Адамны аты башхача, акъылы да башхады.
  • Сууда джау джокъ, кёб сёзде магъана джокъ.
  • Кийимни бир кюнню аясанг, минг кюннге джарар.
  • Нарт сёз къарт болмаз.
  • Эл элде бирер малынг болгъандан эсе, бирер тенгинг болсун.
  • Сабийликде юретмесенг, уллу болса – тюзелмез.
  • Эм уллу байлыкъ – джан саулукъ.
  • Джарлы джети элни сёзюн этер.
  • Иги сеники эсе да, сюйген кесимикин этеме.
  • Айранны сюйген, ийнек тутар.
  • Джолунга кёре – джюрюшюнг, джагъанга кёре – юлюшюнг.
  • Ариу джол аджал келтирмез.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Аман киши кеси юйюнде – къонакъ.
  • Ауурну тюбю бла, дженгилни башы бла джюрюген.
  • Намыс сатылыб алынмайды.
  • Бозанг болмагъан джерге, къалагъынгы сукъма.
  • Джол бла сёзню къыйыры джокъ.
  • Тау башында, тау болмаз, джангыз терек, бау болмаз.
  • Чабакъсыз кёлге къармакъ салгъанлыкъгъа, чабакъ тутмазса.
  • Иесиз малны бёрю ашар.
  • Сагъышы джокъ – джукъучу, акъылы джокъ – къаугъачы.
  • Ёлюр джаннга, ёкюл джокъ.
  • Джылкъыдан – ат чыгъар, тукъумдан – джаш чыгъар.
  • Мухар, кеси тойса да, кёзю тоймаз.
  • Ашаса, ашамаса да, бёрюню ауузу – къан.
  • Хансыз джомакъ болмаз.
  • Бермеген къол, алмайды.
  • Аманнга алтын чыдамаз.
  • Юйюнг бла джау болгъандан эсе, элинг бла джау бол.
  • Ашхы – джыяр, аман – джояр.
  • Арбаз къынгырды да, ийнек сауалмайма.
  • Аш кетер да бет къалыр.
  • Къан бла кирген, джан бла чыгъар.
  • Къолунгдан къуймакъ ашатсанг да, атаны борчундан къутулмазса.
  • Къалгъан ишге къар джауар.
  • Кийиминг бла танылма, адамлыкъ бла таныл.
  • Дуния малгъа сатылма, кесингден телиге къатылма.
  • Ёгюзню мюйюзлери ауурлукъ этмейдиле.
  • Арыгъан къош чамчы болур.
  • Къарт айтханны этмеген, къартаймаз.
  • Ата – билек, ана – джюрек!
  • Акъыл къартда, джашда тюйюлдю – башдады.
  • Иги сёз – джаннга азыкъ, аман сёз башха – къазыкъ.

Аудио

Узденов Альберт

Файлов: 48

Обновлен: 06.07.2017

  • Узденов Альберт Акъчепкен
(Голосов: 14, Рейтинг: 4.93)

Описание

Дата: 27.05.2012
Прослушиваний: 5342
Скачиваний: 3126
Размер: 10.23 МБ
Текст песни:
муз. и сл. Альберта Узденова

Болгъан кибик сени кёрген кюнюмде,
Кёз аллыма сыфатынгы келтирсем,
Сен джюзесе къанкъаз халда кёлюмде.
Бу болумдан аязыргъа тебресем.

Кёзлерими къысыб, солуу алмайын
"Сабыр болсанг" деген менде умутха,
Акъ къанкъазча нюрюнг чырт бой салмайын,
Кёлтюрюб, ташаяды булутха.

Припев:
Тюнюмде да сен,
Тюшюмде да сен,
Тилейме сенден,
Къайтыб келмезден:
"Бир кет эсимден, Акъчепкен!"

Кюнден кюннге мен барама, тюшюне,
Сени кемсиз кереклинге - джаныма.
Кетген кече сени кёрдюм тюшюмде,
Акъ кийиниб келген эдинг къатыма.

Булбул джырлаб, чайкъай джайны хауасын,
Саугъа этген кибик бизге ауазын,
Кери эдик хар сагъышдан, ёчешден,
Уянмайын къалгъа эдим ол тюшден.

Припев:
Тюнюмде да сен,
Тюшюмде да сен,
Тилейме сенден,
Къайтыб келмезден:
"Бир кет эсимден, Акъчепкен!"

Комментариев нет

  • Зарегистрируйтесь чтобы пользоваться плейлистом.