Ассалам алейкум, аланла!
Быйыл Ораза-Байрам бла бизни къарачай-малкъар миллетибиз сюргюнден Ата джуртуна къайтхан байрам бир кюнлеге тюшеди да - сизни къатлаб алгъышлайма!
Биринчиден - тутхан оразагъызны Аллах къабыл этсин! Тилеклеригиз толусунла! Таза иннетлеригизге Аллах разы болсун, саулукъ-эсенлик юйюрюгюзге, берекетлик тутхан ишигизге!
Экинчиден - Аллахны бу сыйлы кюнлеринде тилейбиз миллетибизни къыйынлыкъладан сакъларыгъын! Мындан ары бизден туугъан бир тёлю да кёрмесин сюргюн къыйынлыкъланы! Ачлыкъ-джалангачлыкъ кёрмейик!
Къралгъа, дуниягъа Аллах мамырлыкъ, насыб берсин!
Эльбрусоид фондну тамадасы,
Багъатырланы Ильяс
