- Эшекни не къадар тюйсенг да, ат болмаз.
- Окъ къызбайны джокълайды.
- Эр сокъур болсун, къатын тилсиз болсун.
- Чёбню кёлтюрсенг, тюбюнден сёз чыгъар.
- Туз, гырджын аша, тюзлюк бла джаша.
- Гугук кесини атын айтыб къычыргъанча, мен, мен деб нек тураса?
- Чомарт бергенин айтмаз.
- Билим къая тешер.
- Чабакъсыз кёлге къармакъ салгъанлыкъгъа, чабакъ тутмазса.
- «Ма», - дегенни билмесенг, «бер», - дегенни билмезсе.
- Биреуню къыйынлыгъы бла кесинге джол ишлеме.
- Къарнынг бла ёч алма.
- Айранны сюйген, ийнек тутар.
- Ата Джуртуму башы болмасам да, босагъасында ташы болайым.
- Ауругъанны сау билмез, ач къарынны токъ билмез.
- Къызын тута билмеген, тул этер, джашын тута билмеген, къул этер.
- Ачылгъан эт джабылыр, кёрген кёз унутмаз.
- Кёбге таш атма.
- Кюн кёрмеген, кюн кёрсе, кюндюз чыракъ джандырыр.
- Чомарт джарлы болмаз.
- Аллахха ийнаннган кишини, Аллах онгдурур ишин.
- Ётюрюкчюню шагъаты – къатында.
- Иги – алгъыш этер, аман – къаргъыш этер.
- Алгъанда – джууукъ, бергенде – джау.
- Джети тилни билген джети кишиди.
- Ишлегенден, къарагъан уста.
- Джюз элде джюз ёгюзюм болгъандан эсе, джюз джууугъум болсун.
- Къан бла кирген, джан бла чыгъар.
- Арба аугъандан сора, джол кёргюзтюучю кёб болур.
- Къонакъ болсанг, ийнакъ бол.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къатын байлыкъны сюер, эр саулукъну сюер.
- Чакъырылмагъан джерге барма, чакъырылгъан джерден къалма.
- Бичгенде ашыкъма, тикгенде ашыкъ.
- Хазыр ашха – терен къашыкъ.
- Кийим тукъум сордурур.
- Экиндини кеч къылсанг, чабыб джетер ашхам.
- Душманны тышы – акъ, ичи – къара.
- Бозаны арты дауур болур.
- Джаралыны джастыгъында сау ёлюр.
- Тюзлюк тас болмайды.
- Бир онгсуз адам адет чыгъарды, деб эштирик тюлсе.
- Хансыз джомакъ болмаз.
- Ашхы атаны – джашы ашхы, ашхы ананы – къызы ашхы.
- Тил – миллетни джаны.
- Нёгерсизни джолу узун.
- Къобан да къуру да къобханлай турмайды, адам да къуру да патчахлай турмайды.
- Джигер – джаннга къыйынлыкъ.
- Къызны минг тилер, бир алыр.
- Огъурлуну сёзю – суу, огъурсузну сёзю – уу.