Навигация

Elbrusoid.org

Словарь

Ашыкъгъанны этеги бутуна чырмалыр.
Тёзгеннге, джабылгъан эшик ачылыр.
Ашарыкъда сайлагъаннга – чий гырджын.
Тин – байлыгъынг, терен саулугъунг.
Иги – алгъыш этер, аман – къаргъыш этер.
Шапа кёб болса, аш татымсыз болур.
Адебни адебсизден юрен.
Башда акъыл болмаса, эки аякъгъа кюч джетер.
Ёлюр джаннга, ёкюл джокъ.
Бек анасы джыламаз.
Адамны сабийин сюйген джюреги, бычакъча, джитиди.
Бек ашыкъгъан меннге джетсин, дегенди аракъы.
Башынга джетмегенни сорма.
Урунуу – насыбны анасы.
Джеринден айырылгъан – джети джылар, джуртундан айырылгъан – ёлгюнчю джылар.
Билгенни къолу къарны джандырыр.
Аурууну келиую тынч, кетиую – къыйын.
Уллу атлама – абынырса, уллу къабма – къарылырса.
Чакъырылмагъан къонакъ – орунсуз.
Къазанда болса, чолпугъа чыгъар.
Ойнай билмеген, уруб къачар.
Акъыллы айтыр эди, акъылсыз къоймайды.
Къонакъ кёб келюучю юйню, къазаны отдан тюшмез.
Ачлыкъда тары гырджын халыуадан татлы.
Хар адамгъа кеси миннген тау кибик.
Таукел адам тау тешер.
Эл бла кёргенинг эрелей.
Сабийликде юретмесенг, уллу болса – тюзелмез.
Аманны къуугъан, аманлыкъ табар.
Эки элинги тыйсанг, джети элде махталырса.
Аман адам элни бир-бирине джау этер.
Миллетни бойну – базыкъ, аны бла кюрешген – джазыкъ.
Бозаны арты дауур болур.
Ашлыкъ – бюртюкден, джюн – тюкден.
Юй кюйдю да, кюйюз чыкъды, ортасындан тюйюш чыкъды.
Берекет берсин деген джерде, берекет болур.
Джукъу тёшек сайламайды.
Иги адамны бир сёзю эки болмаз.
Ёгюзню мюйюзлери ауурлукъ этмейдиле.
Джан саулукъ бермей, сан саулукъ бермезсе.
Кюл тюбюндеги от кёрюнмейди.
Аз сёлешген, къайгъысыз турур.
Чёбню кёлтюрсенг, тюбюнден сёз чыгъар.
Тюз сёз баргъан сууну тыяр.
Мураты болгъанны джюрек тебюую башхады.
Эки къатын алгъан – эки ташны ортасына башын салгъан.
Этим кетсе да, сюегим къалыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Тешик этген тынчды, аны джамагъан къыйынды.
Экеулен сёлеше тура эселе, орталарына барыб кирме.