Расширенный поиск
19 Мая 2024 года
Логин: Регистрация
Пароль: Забыли пароль?
Навигация
Словарь
  • Уллу къашыкъ эрин джыртар.
  • Къарны аманнга къазан такъдырма, къолу аманнга от джакъдырма.
  • Джарлы эскисин джамаса, къууаныр.
  • Джырчы ёлсе, джыры къалыр.
  • Болджал ишни бёрю ашар.
  • Къазанчы аман болса, къазаны къайнамаз.
  • Адамгъа аман кюн соруб келмейди.
  • Терслик кетер, тюзлюк джетер.
  • Ким бла джюрюсенг, аны кёзю бла кёрюнюрсе.
  • Иесиз малны бёрю ашар.
  • Байлыкъ болгъан джерде, тынчлыкъ джокъду.
  • Къуллукъчума, деб махтанма, къуллукъ – хаух джамчыды!
  • Таукел тауну аудурур.
  • Эркишиге тары кебек танг кёрюнюр.
  • Гугурук къычырмаса да, тангны атары къалмаз.
  • Ариу джол аджал келтирмез.
  • Ачыкъ джюрекге джол – ачыкъ.
  • Ариу – кёзге, акъыл – джюрекге.
  • Атлыны кёрсе, джаяуну буту талыр.
  • Къонагъынгы артмагъын алма да, алгъышын ал.
  • Окъугъан – асыу, окъумагъан – джарсыу.
  • Бёрю да ач къалмасын, эчки да ашалмасын.
  • Байны къызы баймакъ болса да, юйде къалмаз!
  • Эртде тургъан бла эртде юйленнген сокъуранмаз.
  • Джангызны оту джарыкъ джанмаз!
  • Кёбню кёрген – кёб билир.
  • Биреуге кёлтюрген таягъынг, кесинги башынга урур.
  • Ёксюзню тилеги къабыл болур.
  • Сабий болмагъан джерде, мёлек болмаз.
  • Ариу сёз – джаннга азыкъ, аман сёз – башха къазыкъ.
  • Ушамагъан – джукъмаз.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Ёгюзню мюйюзюнден тутадыла, адамны сёзюнден тутадыла.
  • Кёб джашагъан – кёб билир.
  • Джюрекге ариу – кёзге да ариу.
  • Намысы джокъну – дуниясы джокъ.
  • Азыкъ аз болса, эртде орун сал.
  • Туз, гырджын аша, тюзлюк бла джаша.
  • Ауругъанны сау билмез, ач къарынны токъ билмез.
  • Джашны джигитлиги сорулур, къызны джигерлиги сорулур.
  • Телиге акъыл салгъандан эсе, ёлгеннге джан салырса.
  • Хаухну атма, ёнгкючню сатма.
  • Бет бетге къараса, бет да джерге къарар.
  • Элни кючю – эмеген.
  • Джарлы джети элни сёзюн этер.
  • Джырчы джырчыгъа – къарнаш.
  • Сагъышы джокъ – джукъучу, акъылы джокъ – къаугъачы.
  • Къарнынг къанлынга кийирир.
  • Адам къаллай бир ишленмесе, аллай бир кесин уллу кёреди.
  • Аууздан келген, къолдан келсе, ким да патчах болур эди.

Аудио

Салам (группа)

Файлов: 41

Обновлен: 06.07.2017

  • Салам (группа) Чапай элим
(Голосов: 3, Рейтинг: 3.67)

Описание

Дата: 19.10.2012
Прослушиваний: 2300
Скачиваний: 390
Размер: 8.04 МБ
Текст песни:
муз. и сл. Альберта Узденова

Шам Къарачайды уллу атабыз,
Сен аны къартлыкъ джашыса!
Алтын джюзюкдю чыкъгъан Марабыз,
Сен аны накъут ташыса!

Шам Къарачайны къартлыкъ джашы,
Алтын Мараны накъут ташы,
ДЖаш джюрегимде толгъан айым,
Сен намыс къаламса, Чапайым!

Джеринг эркинча, сени адамынг
Кенг джюреклиди, джарыкъды!
Алан тюзледе ёсген уланынг,
Эски чеклерин саллыкъды!

Шам Къарачайны къартлыкъ джашы,
Алтын Мараны накъут ташы,
Джаш джюрегимде толгъан айым,
Сен намыс къаламса, Чапайым!

Мени тыбырым, ёмюрлюк антым,
Мийиклей турсун намысынг!
Таулу эллеге айтылгъан атынг,
Саулай дуниягъы айтылсын!

Шам Къарачайны къартлыкъ джашы,
Алтын Мараны накъут ташы,
ДЖаш джюрегимде толгъан айым,
Сен намыс къаламса, Чапайым!

Комментариев нет

  • Зарегистрируйтесь чтобы пользоваться плейлистом.