Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Атынг аманнга чыкъгъандан эсе, джанынг тамагъынгдан чыкъсын.
  • Джиби бир къат джетмей эди да, эки къат тарта эди.
  • Байлыкъ келсе, акъыл кетер.
  • Телиге акъыл салгъандан эсе, ёлгеннге джан салырса.
  • Бастасын ашагъан, хантусун да ичер.
  • Тёзгеннге, джабылгъан эшик ачылыр.
  • Уллу къашыкъ эрин джыртар.
  • Билгенни къолу къарны джандырыр.
  • Кесинге джетмегенни, кёб сёлешме.
  • Къалгъан ишге къар джауар.
  • Ким бла джюрюсенг, аны кёзю бла кёрюнюрсе.
  • Аджашхан тёгерек айланыр.
  • Берекет берсин деген джерде, берекет болур.
  • Ашаса, ашамаса да, бёрюню ауузу – къан.
  • Тойгъа алгъа да барма, тойда артха да къалма.
  • Халкъны юйю – туугъан джери.
  • Ёмюрлюк шохлукъну джел элтмез.
  • Джюрекден джюрекге джол барды.
  • Джерни букъусу кёкге къонмаз.
  • Алма терегинден кери кетмез.
  • Ач да бол, токъ да бол – намысынга бек бол.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Ачылгъан эт джабылыр, кёрген кёз унутмаз.
  • Туз, гырджын аша, тюзлюк бла джаша.
  • Намыс болмагъан джерде, насыб болмаз.
  • Тешик этген тынчды, аны джамагъан къыйынды.
  • Ётюрюкню башын керти кесер.
  • Джылар джаш, атасыны сакъалы бла ойнар.
  • Аман адам элни бир-бирине джау этер.
  • Ариуну – ауруу кёб.
  • Татлы сёз – балдан татлы.
  • Рысхы – сют юсюнде кёмюк кибикди.
  • Эркишиге тары кебек танг кёрюнюр.
  • Джарлы джети элни сёзюн этер.
  • Бал ашаргъа сюе эсенг, чибин ургъаннга тёз.
  • Чакъырылмагъан къонакъ къачан кетерин сормаз.
  • Элге къуллукъ этмеген, элге ие болмаз.
  • Мал ёлсе, сюек къалыр, адам ёлсе, иши къалыр.
  • Алим болгъандан эсе, адам болгъан къыйынды.
  • Къая джолда джортма, ачыкъ сёзден къоркъма.
  • Олтуруб кёрюнмей эди да, ёрге туруб кёрюне эди.
  • Ойнаб айтсанг да, эслеб айт.
  • Ишни ахырын ойламай, аллын башлама.
  • Кёбге таш атма.
  • Игини сыйлагъан адетди.
  • Ашыкъгъанны этеги бутуна чырмалыр.
  • Билим насыб берир, билим джолну керир.
  • Уясында не кёрсе, учханында аны этер.
  • Башда акъыл болмаса, эки аякъгъа кюч джетер.
  • От кюйдюрген, сау болса да, тот кюйдюрген, сау болмаз.

Аудио

Узденов Аслан

Файлов: 4

Обновлен: 06.07.2017

  • Узденов Аслан Юч ёзен
(Голосов: 2, Рейтинг: 5)

Описание

Дата: 04.12.2012
Прослушиваний: 1472
Скачиваний: 101
Размер: 9.37 МБ
Текст песни:
муз. и сл. Альберта Узденова

Кюнню тюбю, джерни башы дунияда,
Ариулукъну сейир джурту - Учкулан,
Джулдузлагъа тие-тие тауларынг,
Джюрегингде джырлаб келген кёк Къобан.

Эки джанынг тизгин-тизгин тийреле, ой, тийреле,
Кёз алдарча ариу-ариу бёлюнюб,
Биченликле, таш хунала, тёбеле,
Урунууну ёмюр ызы кёрюнюб.

Къалай тазад ёзенинги хауасы,
Артыкъсыз да нарат ийис, тау эртден,
Бютюн сейир Махар сууну гарасы,
Аууругъанны ёмюрлюкге сау этген.

Мен да сени тыбырынгда туугъанма,
Киндигими ахлуларым кесгенле.
Суунг бла санларымы джуугъанла,
Чынг тёрюнгде эрке болуб ёсгенме.

Учкуланны анам кибик кёргенме,
Туугъанлы да балсытама мен аны.
Хурзукну да, Къартджуртну да сюеме
Эгечлерим сюйген кибик анамы. 

Комментариев нет

  • Зарегистрируйтесь чтобы пользоваться плейлистом.