Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Окъ къызбайны джокълайды.
  • Сабийликде юретмесенг, уллу болса – тюзелмез.
  • Оюмсуз атлагъан, аджалсыз ёлюр.
  • Атадан ёксюз – бир ёксюз, анадан ёксюз – эки ёксюз.
  • Ашхы атаны – джашы ашхы, ашхы ананы – къызы ашхы.
  • Джаханимни кёрмей, джандетге кёл салмазса.
  • Эр сокъур болсун, къатын тилсиз болсун.
  • Джарлы тюеге минсе да, ит къабар.
  • Таукел адам тау тешер.
  • Болджал ишни бёрю ашар.
  • Келинни – келгинчи, бёркню кийгинчи кёр.
  • Арпа, будай – ащды, алтын, кюмюш а – ташды.
  • Татлы тилде – сёз ариу, чемер къолда – иш ариу.
  • Эрни эр этерик да, къара джер этерик да, тиширыуду.
  • Келлик заман – къартлыкъ келтирир, кетген заман – джашлыкъ ёлтюрюр.
  • Ач уят къоймаз.
  • Окъуусуз билим – джокъ, билимсиз кюнюнг – джокъ.
  • Бермеген къол, алмайды.
  • Къолу уллу – асыу, аягъы уллу – джарсыу.
  • Аманны эки битли тону болур, бирин сеннге кийдирир, бирин кеси киер.
  • Шекер бла туз – бир болмаз, ушамагъан – юй болмаз.
  • Адамны аты башхача, акъылы да башхады.
  • Этим кетсе да, сюегим къалыр.
  • Aдам боллукъ, сыфатындан белгили.
  • Кесине гебен этелмеген, биреуге черен эте эди.
  • Ушамагъан – джукъмаз.
  • Ариу сёз – джаннга азыкъ, аман сёз – башха къазыкъ.
  • Тойгъандан сора, ашны сёкме.
  • Айырылгъанланы айю ашар, бёлюннгенлени бёрю ашар.
  • Ишленмеген джаш – джюгенсиз ат, ишленмеген къыз – тузсуз хант.
  • Джолунга кёре – джюрюшюнг, джагъанга кёре – юлюшюнг.
  • Адам сёзюнден белгили.
  • Уллу къашыкъ эрин джыртар.
  • Ач, тоймам, дейди, тойгъан, ач болмам, дейди.
  • Эл тойса, тоймагъан, эл къойса, къоймагъан.
  • Кёлсюзден сёзсюз тууар.
  • Джюрекден джюрекге джол барды.
  • Ётюрюк хапар аякъ тюбю бла джюрюйдю.
  • Ётюрюкден тюбю джокъ, кёлтюрюрге джиби джокъ.
  • Айтханы чапыракъдан ётмеген.
  • Адам сёзге тынгыла, акъыл сёзню ангыла.
  • Тойчу джашха къарама, къойчу джашха къара.
  • Гугурук къычырмаса да, тангны атары къалмаз.
  • Сёз къанатсыз учар.
  • Джырчы ёлсе, джыры къалыр.
  • Тюзлюк шохлукъну бегитир.
  • Байлыкъ адамны сокъур этер.
  • Берекет берсин деген джерде, берекет болур.
  • Адам туугъан джеринде, ит тойгъан джеринде.
  • Асхат ашлыкъ сата, юйдегиси ачдан къата.

Аудио

Салпагаров Мусса

Файлов: 1

Обновлен: 06.07.2017

  • Салпагаров Мусса Анам
(Голосов: 2, Рейтинг: 5)

Описание

Дата: 12.12.2012
Прослушиваний: 3086
Скачиваний: 173
Размер: 15.79 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.