Расширенный поиск
4 Мая 2024 года
Логин: Регистрация
Пароль: Забыли пароль?
Навигация
Словарь
  • Халкъгъа джарагъан, джарлы къалмаз.
  • Сютню башын джалагъан къутулур, тюбюн ичген тутулур.
  • Эркишиге тары кебек танг кёрюнюр.
  • Башсыз урчукъ тюзюне айланмаз.
  • Алгъанда – джууукъ, бергенде – джау.
  • Джети тилни билген джети кишиди.
  • Сыфатында болмагъаны, суратында болмаз.
  • Суу да къайтады чыкъгъан джерине.
  • Ёгюзню мюйюзюнден тутадыла, адамны сёзюнден тутадыла.
  • Къазанны башы ачыкъ болса, итге уят керекди.
  • Билмезни кёзю кёрмез, этмезни къулагъы эшитмез.
  • Акъыл къартда, джашда тюйюлдю – башдады.
  • Аманны тукъумуна къарама, игини тукъумун сорма.
  • Джылыгъа джылан илешир.
  • Джырына кёре эжиую.
  • Суу ичген шауданынга тюкюрме.
  • Бал – татлы, балдан да бала – татлы.
  • Алтыннга тот къонмаз.
  • Къыйынлы джети элни къайгъысын этер.
  • Эрине къаргъыш этген къатын, эрнин къабар.
  • Къайгъы тюбю – тенгиз.
  • Сёлеш деб шай берген, тохта деб, сом берген.
  • Элиб деген, элге болушур.
  • Аш кетер да бет къалыр.
  • Джаханимни кёрмей, джандетге кёл салмазса.
  • Тили узунну, намысы – къысха.
  • Джыгъылгъанны сырты джерден тоймаз.
  • Ариу сёз – къылычдан джити.
  • Башланнган иш битер, къымылдагъан тиш тюшер.
  • Бир абыннган – минг сюрюнюр.
  • Игиге айтсанг – билир, аманнга айтсанг – кюлюр.
  • Аман адам элни бир-бирине джау этер.
  • Ёгюзню мюйюзлери ауурлукъ этмейдиле.
  • Джаралыны джастыгъында сау ёлюр.
  • Кюн кёрмеген, кюн кёрсе, кюндюз чыракъ джандырыр.
  • Мал кёб болса, джууукъ кёб болур.
  • Таугъа чыгъаллыкъ эсенг, тюзде къалма.
  • Ёлген ийнек сютлю болур.
  • Джылар джаш, атасыны сакъалы бла ойнар.
  • Агъач халкъгъа алтынды, иссиликге салкъынды.
  • Сакъ юйюне сау барыр.
  • Аманнга алтын чыдамаз.
  • Тилде сюек болмаса да, сюек сындырыр.
  • Ариу сёз аурууунгу алыр.
  • Окъугъанны бети джарыкъ.
  • Ауузу бла къуш тута айланады.
  • Башда акъыл болмаса, эки аякъгъа кюч джетер.
  • Акъыл неден да кючлюдю.
  • Бетинги сатма, малынгы сат.
  • Къозулугъунда тоймагъан, къойлугъунда тоймаз.

Аудио

Отаров Омар

Файлов: 265

Обновлен: 06.07.2017

  • Отаров Омар Акътамакъ
(Голосов: 3, Рейтинг: 5)

Описание

Дата: 17.12.2012
Прослушиваний: 2615
Скачиваний: 1205
Размер: 7.95 МБ
Текст песни:
музыка и стихи Исмаила Семенова (Джырчы Сымайыла)

...Кел, мин, ариу, файтоннга, 
Байду да минер биргенге. 
Эй, мен джюз файтоннга буйрукъ бергенме 
Сени биргенге тебрерге. 

Джюз файтон бла барырем, 
Юйюнгю аллына джол салыб, 
Эй, отоу терезеден бир къарагъыем, 
Эки джан сюекге къол салыб. 

Къаяда къаплан джатханлай, 
Къамагъа бычакъ такъгъанлай, 
Эй, джазыуунг джетсе, келиб къалырса 
Джалан аякълай, чабханлай, 

Мен таугъа тогъай салмасам, ариу, 
Тюзде файтон бла бармасам, 
Эй, ёлсем, къабырым а эки джарылыр, 
Дуниямда сени алмасам. 

Кел, мин, ариу, фаитоннга, 
Хамут салгъанма сары атха, 
Эй, джай чилледе да безгек боллукъса, 
Алыб кетмесем наратха. 

Тюлкю бла турна уа шох эдиле, 
Ала тюз къамишде къош элле. 
Эй, тауда сюйгенле - ма биз экиси, 
Къалгъан сюйгенле бош элле. 

Бал чибиним бал этер, 
Къанатын джайыб кенг, кетер. 
Эй, аджал инбашда, болджал тау башда, 
Толу муратына ким джетер? 

Мен суу джоргъагъа минейим, ариу, 
Темирден кюбе киейим, 
Эй, этген тузагъыма аягъынга тюшюб, 
Амалсыз кюнюнге тюбейим. 

Тау артында джылкъыла, 
Эбзеде токълу къыркъыла. 
Эй, ариу, алакёзюм, къайдан келесе, 
Базар мамукълай сытыла? 

Тауну артында чилле сюргенме, 
Керекли болсанг, алырса. 
Эй, алтын челеклеринг, кюмюш суу агъачынг, 
Эриксенг, суугъа барырса. 

Кел, мин, ариу, фаитоннга, 
Да къобуз согъа, чайкъала. 
Эй, сол джанынгда кесим барлыкъма, 
Сорсанг а, джууаб къайтара. 

Ой, ариучугъум, къайдан келесе, 
Кесинг кесинги сюйдюрюб? 
Эй, алыб кетерикме ариу алакёзню, 
Автомобильге миндириб...

Комментарии (1)

    Джаратама0
    Bilal
    18.01.2013 07:06:21
    Бу джырны сёзлери, макъамы да Семенланы Сымайылныкъыдыла (Джырчы Сымайылны).
    Башха айтырым джокъду. Отар улу ариу джырлагъанына сёз джокъду, алай а, билгенле, джырын Сымайыл кеси кимден да ариу джырлагъанын айтадыла.
    Ссылка
    • Зарегистрируйтесь чтобы пользоваться плейлистом.