Расширенный поиск
4 Мая 2024 года
Логин: Регистрация
Пароль: Забыли пароль?
Навигация
Словарь
  • Джол бла сёзню къыйыры джокъ.
  • Акъыл сабырлыкъ берир.
  • Арпа, будай – ащды, алтын, кюмюш а – ташды.
  • Алтыда кюлмеген, алтмышда кюлмез.
  • Кёзню ачылгъаны – иги, ауузну джабылгъаны – иги.
  • Эринчекни аурууу – кёб.
  • Чакъырылмай келген къонакъ сыйланмай кетер.
  • Ачыкъ джюрекге джол – ачыкъ.
  • Тили узунну, намысы – къысха.
  • Ишленмеклик адамлыкъды.
  • Чыбыкълыкъда бюгюлмеген, къазыкълыкъда бюгюлмей эди.
  • Акъыллы айтыр эди, акъылсыз къоймайды.
  • Кюн – узун, ёмюр – къысха.
  • Къонагъынгы артмагъын алма да, алгъышын ал.
  • Суугъа – чабакъ, къаягъа – ыргъакъ.
  • Тойгъа алгъа да барма, тойда артха да къалма.
  • Кёбню кёрген – кёб билир.
  • Ашлыкъны арба юйге келтирир, чана базаргъа элтир.
  • Башы ишлегенни, ауузу да ишлер.
  • Ат да турмайды бир териде.
  • Тойгъанлыкъ къойгъа джарашады.
  • Гугурук къычырмаса да, тангны атары къалмаз.
  • Борчунг бар эсе, хурджунунга ойлаб узал.
  • Дууулдаса – бал чибин, къонса – къара чибин.
  • Кюл тюбюндеги от кёрюнмейди.
  • Кютгени беш эчки, сызгъыргъаны уа, джерни джарады.
  • Билим къая тешер.
  • Ёлген эшек бёрюден къоркъмайды.
  • Ашхы болсанг, атынг чыгъар, аман болсанг, джанынг чыгъар.
  • От кюйдюрген, сау болса да, тот кюйдюрген, сау болмаз.
  • Уллу сёзде уят джокъ.
  • Чомартха хар кюн да байрамды.
  • Экиндини кеч къылсанг, чабыб джетер ашхам.
  • Тешик этген тынчды, аны джамагъан къыйынды.
  • Атынг аманнга чыкъгъандан эсе, джанынг тамагъынгдан чыкъсын.
  • Къызбайны юйюне дери сюрсенг, батыр болур.
  • Ойнай билмеген, уруб къачар.
  • Бойнуму джети джерден кессенг да, мен ол ишни этеллик тюлме.
  • Хар адамгъа кеси миннген тау кибик.
  • Ата джурт – алтын бешик.
  • Тенгни тенглиги джашай барсанг билинир.
  • Ашыкъгъан cуу, тенгизге джетмез.
  • Элде адам къалмаса, ит тахтагъа минер.
  • Биреуге аманлыкъны тилеме да, кесинге ашхылыкъны тиле.
  • Сёз сёзню айтдырыр.
  • Мен да «сен», дейме, сен да «кесим», дейсе.
  • Юйюнгден чыкъдынг – кюнюнгден чыкъдынг.
  • Джаханимни кёрмей, джандетге кёл салмазса.
  • Термилгенинги табмазса, кюлгенинге тюберсе.
  • Ётюрюкчюню шагъаты – къатында.

Аудио

Отаров Омар

Файлов: 265

Обновлен: 06.07.2017

  • Отаров Омар Кёгала (с Алтуевоей Зоей)
(Голосов: 2, Рейтинг: 5)

Описание

Дата: 11.04.2013
Прослушиваний: 2008
Скачиваний: 1222
Размер: 6.24 МБ
Текст песни:
музыка Маджита Ногайлиева
стихи Азамата Суюнчева

Джашла:
Кёкле тюбюнде, кёкбаш юйледе
Джашайды ариу Кёгала.
Экибиз бирге кюйюб барабыз,
Кёгала, санга тарала.

Кёгала:
Кёкле тюбюнде, кёкбаш юйледе
Мен бек къайгъысыз джашаеем,
Тойгъа-оюнга къошулмай эдим,
Мен сюймекликден ташаем.

Джашла:
Джарыкъ джулдузча, сени сыфатынг
Къууат салады шахаргъа,
Ышаргъанчыгъынг, ала кёзлеринг
Къоймайла бизни джашаргъа.

Кёгала:
Бизни тийреге сиз тойгъа келиб,
Юйде олтутуруб кетдигиз,
Бирден кёзюме къараб ышарыб,
Мени тынчлыкъсыз этдигиз.

Джашла:
Субай санынга ариу джарашхан
Кёк бетли чепкен кийесе,
Экеулен болуб сени сюебиз,
Сен къайсыбызны сюесе?

Кёгала:
Экигизге да бир сёзюм джокъду,
Джашла, сиз ашхы, аламат.
Халал тенглени шохлугъун бузсам,
Не айтыр манга джамагъат?

Джашла:
Экибиз бирге аллынга келдик,
Бир-бирибизден уяла,
Халал тенглени харам этме да
Бирин сайлачы, Кёгала.

Кёгала:
Экигизни мен айырмайын,
Бирча багъалы кёреме.
Айыб этмегиз, тюзюн айтайым,
Мен башха джашны сюеме.

Комментариев нет

  • Зарегистрируйтесь чтобы пользоваться плейлистом.