Расширенный поиск
4 Мая 2024 года
Логин: Регистрация
Пароль: Забыли пароль?
Навигация
Словарь
  • Ётюрюкден тюбю джокъ, кёлтюрюрге джиби джокъ.
  • Ишленмеген джаш – джюгенсиз ат, ишленмеген къыз – тузсуз хант.
  • Ишни ахырын ойламай, аллын башлама.
  • Олтуруб кёрюнмей эди да, ёрге туруб кёрюне эди.
  • Чакъырылмагъан къонакъ къачан кетерин сормаз.
  • Ауузу бла къуш тута айланады.
  • Тенги кёбню джау алмаз, акъылы кёбню дау алмаз.
  • Айырылмаз джууугъунга, унутмаз сёзню айтма.
  • Иги адам абынса да, джангылмаз.
  • Ата – билек, ана – джюрек!
  • Аууз сакълагъан – джан сакълар.
  • Тойгъа алгъа да барма, тойда артха да къалма.
  • Мухардан ач ычхынмаз.
  • Ханнга да келеди хариблик.
  • Билимли ёлмез, билимсиз кёрмез.
  • Адамны джюреги нени кёрюрге сюйсе, кёзю да аны кёрюрге ёч болады.
  • Джырчы ёлсе, джыры къалыр.
  • Тешигини къатында, чычхан да батыр болур.
  • Айыбны суу бла джууалмазса.
  • Ойнай-ойнай кёз чыгъар.
  • Чомартны къолун джокълукъ байлар.
  • Ашлыкъ – бюртюкден, джюн – тюкден.
  • Къыйынлы джети элни къайгъысын этер.
  • Джаз бир кюнню джатсанг, къыш талай кюнню абынырса.
  • Акъыллы – эл иеси, тели – эл баласы.
  • Керти сёзге тёре джокъ.
  • Халкъны юйю – туугъан джери.
  • Джаным-тиним – окъуу, билим.
  • Игиге айтсанг – билир, аманнга айтсанг – кюлюр.
  • Кёзню ачылгъаны – иги, ауузну джабылгъаны – иги.
  • Къарын къуру болса, джюрек уру болур.
  • Рысхы – сют юсюнде кёмюк кибикди.
  • Азыкълы ат арымаз, къатыны аман джарымаз.
  • Арбаз сайлама да, хоншу сайла.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Нафысынгы айтханын этме, намысынгы айтханын эт.
  • Эл ауузу – элия.
  • Аджал соруб келмез, келсе, къайтыб кетмез.
  • Аууздан келген, къолдан келсе, ким да патчах болур эди.
  • Ана къойну – балагъа джандет.
  • Адеби болмагъан къыз – тузсуз хант.
  • Кёл – къызбай, къол – батыр.
  • Сакъ юйюне сау барыр.
  • Билим – акъылны чырагъы.
  • Джюз элде джюз ёгюзюм болгъандан эсе, джюз джууугъум болсун.
  • Юйюнг бла джау болгъандан эсе, элинг бла джау бол.
  • Хата – гитчеден.
  • Тамбла алтындан бюгюн багъыр ашхы.
  • Джерни букъусу кёкге къонмаз.
  • Накъырданы арты керти болур.

Аудио

Отаров Омар

Файлов: 265

Обновлен: 06.07.2017

  • Отаров Омар Къайтукъ улу Сары-Асланбек
(Голосов: 2, Рейтинг: 5)

Описание

Дата: 11.04.2013
Прослушиваний: 2074
Скачиваний: 617
Размер: 5.55 МБ
Текст песни:
муз. и сл. народные

Лезгуар да тарында, дейди,
Бурчакъ-бурчакъ акъ туманла къайнайла,
Ой, алай да, ой, къайнайла.
Аланы ичинде чыгыр да башлы
Бу къара къушла ойнайла, ой-ой.
Ала чыгыр башлы, дейди,
Къара къушла алайда, ой, болмазла, -
Ала Къайтукъ улу Сары-Асланбекни джыйгъан а джыйыны, ой-ой.
Ала келе келиб, дейди,
Лезгуар къулагъында уа тохталла.
Ала сауутларын шаптал тереклеге сора такъдыла, ой-ой.
Къанукълагъа барыргъа, дейди,
Эки чий ёзденни ала, о-ой, сайлалла.
Сора экинчи кюн ала тебиреб, Къанукъалагъа баралла, ой-ой.
Ала уа келелле, дейди,
Ёзен сабанлада алай, о-ой, джортаракъ,
Эй-хей, Къанукълары къараб, аланы дурус кёрмелле, ой-ой.
Ала ол хапарны, дейди,
Базыкъ Эсеннге уа дженгил бердиле.
Батыр базыкъ Эсен кёзюлдюреуюклерин сермеб къарады, ой-ой.
- Алчыгъыз, эй джашла, - деди, -
Кёзюлдюреуюк бла сиз да къарагъыз,
Кимле болгъанларын, кимле болгъанларын сиз да таныгьыз, ой-ой.
Кёзюлдюреуюкню, дейди,
Джашла алыб, кезиу-кезиу къаралла.
Дашла келгенлени кимле болгъанларын чыртда танымалла, ой-ой.
- Берчигиз, эй джашла, - деди, -
Энтда кесим джютюлеб бир къарайым. -
Ол къарт базыкъ Эсен кёзюлдюреуюпон алыб къарады, ой-ой.
- Ой, аман джашла, - дейди, -
Къарт кёзле уа сизден иги кёрелле.
Ол эки атлы бизге келечиге алай келелле, ой-ой.
Онг джанында атлы, - дейди, -
Тауну да ичинде ол джашагъан,
Ол да Бий улу уа Сафар-Алий деген а ол болмазмы, ой-ой?
Сол джанында келген, - дейди, -
Урухну да бойнунда ол джашагъан,
Къара-Шауа улу Суртаз-Алий кеси уа болмазмы, ой-ой?
Ала баз келелле, - дейди, -
Чий кюмюшча, атларын джылтыратып,
Бизге келечиге, ала уа кеслерин алай ушатыб, ой-ой.
Ючюнчюсюн айтсам, - дейди, -
Къаракъуйрукъ, къараджалкъа тор атлы.
Аланы ызындан, туман болуб келелле кёб атлы, ой-ой.
Ала Дюгер Маргушха, дейди,
Бир кесекден мычымайын чабдыла.
Чабдыла эсе уа, ала анда аман хата табдыла, ой-ой.
Алайда онгмалла, дейди,
Сора ала Шары таугъа чабдыла.
Къысыр эчкилени, сайлаб-сайлаб, кесиб, ала къабдыла, ой-ой.
Къысыр эчки этден тоюб, дейди,
Ала, джаным, джау кекире, джукълалла.
Чолпан джулдуз чыкъды, сора ала танг атды деб ойлалла, ой-ой.
Ызларындан джетдик, дейди,
Стауатда эчки башланы биз кёрдюк.
Ай джетгенлей, танг алагъа ала бла ачы сермешдик, ой-ой.

Комментариев нет

  • Зарегистрируйтесь чтобы пользоваться плейлистом.