Расширенный поиск
17 Мая 2024 года
Логин: Регистрация
Пароль: Забыли пароль?
Навигация
Словарь
  • Ашхы тенг джолгъа салыр, аман тенг джолдан тайдырыр.
  • Ётюрюкчюню шагъаты – къатында.
  • Тойгъа алгъа да барма, тойда артха да къалма.
  • Насыблы элин сюер, насыбсыз кесин сюер.
  • Юреннген ауруу къалмаз.
  • Уллу суу бла уллу ауруудан башынгы сакъла.
  • Аман къатын сабий табса, бий болур…
  • Кёл ашады да, кеси ашады.
  • Джыйырма къойну юч джыйырма эбзе кюте эди.
  • Тойну къарнашы – харс, джырны къарнашы – эжиу.
  • Къонакъ аман болса, къонакъбай джунчур
  • Ач – эснер, ат – кишнер.
  • Ишлегенде эринме, ишде чолакъ кёрюнме.
  • Суу кетер, таш къалыр.
  • Босагъа таш юйге кирмей эди, тыбыр таш эшикге чыкъмай эди.
  • Къарнынг бла ёч алма.
  • Нарт сёз къарт болмаз.
  • Ургъан суудан башынгы сакъла.
  • Байлыкъ келсе, акъыл кетер.
  • Намыс болмагъан джерде, насыб болмаз.
  • Тамчы таш тешер.
  • Тойгъа барсанг, тоюб бар, эски тонунгу къоюб бар.
  • Эшекге миннген – биринчи айыб, андан джыгъылгъан – экинчи айыб.
  • Джарлыны эшигин махтагъан джабар.
  • Aдам боллукъ, сыфатындан белгили.
  • Иши джокъну, сыйы джокъ.
  • Ётген ёмюр – акъгъан суу.
  • Босагъагъа джууукъ орун болса, ашыгъыб тёрге озма.
  • Чыбыкълыкъда бюгюлмеген, къазыкълыкъда бюгюлмей эди.
  • Байлыкъ тауусулур, билим тауусулмаз.
  • Окъумагъан сокъурду, сокъур ташха абыныр!
  • Керек ташны ауурлугъу джокъ.
  • Биреу къой излей, биреу той излей.
  • Юй ишлеген балта эшикде къалыр.
  • Тойгъанлыкъ къойгъа джарашады.
  • Адамны сабийин сюйген джюреги, бычакъча, джитиди.
  • Киштикге къанат битсе, чыпчыкъ къалмаз эди.
  • Чабар ат – джетген къыз.
  • Тилчи тилден къаныкъмаз.
  • Зар адам ашынгы ашар, кесинги сатар.
  • Къыз тиширыу кеси юйюнде да къонакъды.
  • Эрине къаргъыш этген къатын, эрнин къабар.
  • Аш хазыр болса, иш харам болур.
  • Кёз – сюйген джерде, къол – ауругъан джерде.
  • Тынгылагъан тынгы бузар.
  • Уллу къазанда бишген эт, чий къалмаз.
  • Къонакъ хазыр болгъанлыкъгъа, къонакъбай хазыр тюлдю.
  • Тойгъандан сора, ашны сёкме.
  • Джолда аягъынга сакъ бол, ушакъда тилинге сакъ бол.
  • Къартны сыйын кёрмеген, къартлыгъында сыйлы болмаз.

Аудио

Каримов Ибрагим

Файлов: 4

Обновлен: 06.07.2017

  • Каримов Ибрагим Тау къушну уясы
(Голосов: 1, Рейтинг: 4)

Описание

Дата: 24.11.2013
Прослушиваний: 1322
Скачиваний: 43
Размер: 8.51 МБ
Текст песни:
музыка и слова Альберта Узденова

Ата Джуртум къучагъын джаяд, 
Халкъларын ийнакълай. 
Тау къушну да уясы къаяд, 
Уямса, Къарачай!

ПРИПЕВ:
Мен джырлайма, джюрекден келген 
Ауазыма тынгылай. 
Джашна! Джашна, къонакъны сюйген, 
Джомакълы Къарачай!

Тау башлача, мийикди сени 
Адебинг, намысынг. 
Бу таулада туугъаным мени - 
Олду баш насыбым!

ПРИПЕВ:
Мен джырлайма, джюрекден келген 
Ауазыма тынгылай. 
Джашна! Джашна, къонакъны сюйген, 
Джомакълы Къарачай!

Къайда болсам да, терк къайтырма, 
Кюсеб къучагъынгы. 
Ахыр тылпыуум бла да айтырма, 
Къарачай, атынгы!

ПРИПЕВ:
Мен джырлайма, джюрекден келген 
Ауазыма тынгылай. 
Джашна! Джашна, къонакъны сюйген, 
Джомакълы Къарачай!

1980г.

Комментариев нет

  • Зарегистрируйтесь чтобы пользоваться плейлистом.