Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Хар зат кесини орнуна иги.
  • Къарт бла баш аша, джаш бла аякъ аша.
  • Ашхы – джыяр, аман – джояр.
  • Акъыл неден да кючлюдю.
  • Уллу къашыкъ эрин джыртар.
  • Ойнай билмеген, оюн бузар.
  • Джигер – джаннга къыйынлыкъ.
  • Джарлыны тону джаз битер.
  • Иги – алгъыш этер, аман – къаргъыш этер.
  • Ишленмеклик адамлыкъды.
  • Тюзлюк тас болмайды.
  • Чомартха Тейри да борчлуду.
  • Джыйырма къойну юч джыйырма эбзе кюте эди.
  • Ач уят къоймаз.
  • Айранны сюйген, ийнек тутар.
  • Кёз – сюйген джерде, къол – ауругъан джерде.
  • Иги сёз – джаннга азыкъ, аман сёз башха – къазыкъ.
  • Аман эсирсе, юйюн ояр.
  • Битмегеннге сакъал – танг.
  • Тамырсыз терекге таянма – джыгъылырса.
  • Телиге акъыл салгъандан эсе, ёлгеннге джан салырса.
  • Рысхы – насыбха къор.
  • Керилген да, ургъан кибикди.
  • Джырчы джырчыгъа – къарнаш.
  • Айыбны суу бла джууалмазса.
  • Адеб базарда сатылмаз.
  • Атадан ёксюз – бир ёксюз, анадан ёксюз – эки ёксюз.
  • Ёксюзню къалачы уллу кёрюнюр.
  • Сыфатында болмагъаны, суратында болмаз.
  • Юйлю уругъа ит чабмаз.
  • Аджашханны ызындагъы кёреди, джангылгъанны джанындагъы биледи.
  • Гитче джилтин уллу элни джандырыр.
  • Арбаз къынгырды да, ийнек сауалмайма.
  • Сормай – алма, чакъырылмай – барма.
  • Кенгеш болса, уруш болмаз.
  • Адамны артындан къара сабан сюрме.
  • Ишлегенде эринме, ишде чолакъ кёрюнме.
  • Джюрекден джюрекге джол барды.
  • Алма терегинден кери кетмез.
  • Хатерли къул болур.
  • Шайтан алдады, тюзлюк къаргъады.
  • Ата Джуртуму башы болмасам да, босагъасында ташы болайым.
  • Хунаны тюбюн къазсанг, юсюнге ауар.
  • Термилгенинги табмазса, кюлгенинге тюберсе.
  • Аман киши кеси юйюнде – къонакъ.
  • Дуния малгъа сатылма, кесингден телиге къатылма.
  • Берекет берсин деген джерде, берекет болур.
  • Чакъырылмагъан къонакъ тёрге атламаз.
  • Эли джокъну – кёлю джокъ.
  • Зар адамны насыбы болмаз.

Аудио

Узденов Зураб

Файлов: 7

Обновлен: 06.07.2017

  • Узденов Зураб Мариям
(Голосов: 2, Рейтинг: 4.5)

Описание

Дата: 30.04.2014
Прослушиваний: 1160
Скачиваний: 95
Размер: 10.76 МБ
Текст песни:
Музыка и стихи Сапара Узденова.

Шагъателле сюймекликге джулдузла,
Джюрегимде
Шыбырдагъан сёзлериме
Эжиу этиб, Къобандагъы толкъунла.

Припев:
Мариям, Мариям, Мариям,
Чакъырама кетиб баргъан джазыудан.
Джеталамыды ауазым къатынга?
Ол кюнле, ол заман не болду?
Сюймеклик къалабыз оюулду,
Къыйналамыса менича сен анга?

Акъ къарчыкъла джылтырасала бетингде,
Ушатаем джангы айгъа
Джазгъы кёкде,
Аны кюмюш нюрю кетмейд эсимден.

Припев.

Узаяды тейри джарыкъ, кёб турмай.
Сен да кетдинг ма аныча,
Танг аладан, къарангыча,
Сезимиме турсунмай.

Припев.

Комментариев нет

  • Зарегистрируйтесь чтобы пользоваться плейлистом.