Расширенный поиск
19 Мая 2024 года
Логин: Регистрация
Пароль: Забыли пароль?
Навигация
Словарь
  • Ишни ахырын ойламай, аллын башлама.
  • Дуния малгъа сатылма, кесингден телиге къатылма.
  • Бойнуму джети джерден кессенг да, мен ол ишни этеллик тюлме.
  • Ёнгкюч къууана барыр, джылай келир.
  • Aдам боллукъ, сыфатындан белгили.
  • Ачылгъан эт джабылыр, кёрген кёз унутмаз.
  • Къолунгдан къуймакъ ашатсанг да, атаны борчундан къутулмазса.
  • Орундукъ тюбюнде атылсам да, орта джиликме, де да айлан.
  • Ауругъан – джашаудан умутчу.
  • Чакъырылмагъан къонакъ къачан кетерин сормаз.
  • Экеу тутушса, биреу джыгъылыр.
  • Тёзген – тёш ашар!
  • Сютню башын джалагъан къутулур, тюбюн ичген тутулур.
  • Джашынгы кесинг юретмесенг, джашау юретир.
  • Адамны адамлыгъы къыйынлыкъда айгъакъланады.
  • Ёлген аслан – сау чычхан.
  • Эркиши – от, тиширыу – суу.
  • Ичимден чыкъды хата, къайры барайым сата?
  • Ана къойну – балагъа джандет.
  • Эки итни арасына сюек атма, эки адамны арасында сёз чыгъарма.
  • Ата Джуртча джер болмаз, туугъан элча эл болмаз.
  • Билимден уллу байлыкъ джокъду.
  • Кёб къычыргъандан – къоркъма, тынч олтургъандан – къоркъ.
  • Шекер бла туз – бир болмаз, ушамагъан – юй болмаз.
  • Къанны къан бла джуума, аманны аман бла къуума.
  • Джигер – джаннга къыйынлыкъ.
  • Биреуге аманлыкъны тилеме да, кесинге ашхылыкъны тиле.
  • Тюз сёз баргъан сууну тыяр.
  • Ачлыкъ отха секиртир.
  • Адамны сыфатына къарама, сёзюне къара.
  • Ойнай билмеген, уруб къачар.
  • Ишни аллы бла къууанма да, арты бла къууан.
  • Азыкълы ат арымаз, къатыны аман джарымаз.
  • Башсыз урчукъ тюзюне айланмаз.
  • Соргъан айыб тюлдю, билмеген айыбды.
  • Эрине къаргъыш этген къатын, эрнин къабар.
  • Рысхы джалгъанды: келген да этер, кетген да этер.
  • Къар – келтирди, суу – элтди.
  • Къатыны харакетли болса, эри къымсыз болур.
  • Алма терегинден кери кетмез.
  • Адам сёзге тынгыла, акъыл сёзню ангыла.
  • Кёзден кетген, кёлден да кетеди.
  • Аман къатын алгъан, арыр, иги къатын алгъан джарыр.
  • Джерни букъусу кёкге къонмаз.
  • Сууда джау джокъ, кёб сёзде магъана джокъ.
  • Айран ичген – къутулду, джугъусун джалагъан – тутулду.
  • Айтылгъан буйрукъ, сёгюлмез
  • Джангыз терек къынгыр ёсер.
  • Биреуню эскиси биреуге джангы болмайды.
  • Ишлерге уял да, ашаргъа табма.

Аудио

Салам (группа)

Файлов: 41

Обновлен: 06.07.2017

  • Салам (группа) Таулу къызчыкъ Роза
(Голосов: 1, Рейтинг: 5)

Описание

Дата: 20.05.2014
Прослушиваний: 3269
Скачиваний: 406
Размер: 8.59 МБ
Текст песни:
Музыка Маджита Ногайлиева, стихи Хусея Джаубаева.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Къобан сууну тазалыгъы — иннетингде,
Джашил джазны айбатлыгъы — бетингде:
Таулу къызчыкъ Роза, джашайса джырымда,
Эсимдесе хар кюнюмде, джылымда.

Кюн таякъны сейир нюрю — къарамынгда,
Джаш кёлюмю джарытхан саламынгда:
Таулу къызчыкъ Роза, манга сёз берсенг а —
Юйюме да, джюрекгеча, кирсенг а.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Комментариев нет

  • Зарегистрируйтесь чтобы пользоваться плейлистом.