Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Къонакъ аз олтурур, кёб сынар.
  • Сескекли кесин билдирир.
  • Аджашхан тёгерек айланыр.
  • Ким бла джюрюсенг, аны кёзю бла кёрюнюрсе.
  • Адамны джюреги нени кёрюрге сюйсе, кёзю да аны кёрюрге ёч болады.
  • Чоюнну башы ачыкъ болса, итге уят керекди.
  • Къуру гыбыт бек дыгъырдар.
  • Джукъу тёшек сайламайды.
  • Тойгъа барсанг, тоюб бар, эски тонунгу къоюб бар.
  • Эр абынмай, эл танымаз.
  • Ауругъан – джашаудан умутчу.
  • Джыланны къуйругъундан басарынг келсе, аны башы болгъанын унутма.
  • Халкъгъа джарагъан, джарлы къалмаз.
  • Ашхылыкъ джерде джатмайды, аманлыкъ суугъа батмайды.
  • Ат басханны джер билед.
  • Къозулугъунда тоймагъан, къойлугъунда тоймаз.
  • Таш бла ургъанны, аш бла ур.
  • Берекет берсин деген джерде, берекет болур.
  • Джылар джаш, атасыны сакъалы бла ойнар.
  • Адам къыйынлыгъын кёлтюрюр, зауукълугъун кёлтюрмез.
  • Тойгъан джерден туугъан джер игиди.
  • Тюзлюк тас болмайды.
  • Чомартха хар кюн да байрамды.
  • Эки элинги тыйсанг, джети элде махталырса.
  • Ёлген эшек бёрюден къоркъмайды.
  • Накъырда – кертини келечиси.
  • Алма терегинден кери кетмез.
  • Адам туугъан джеринде, ит тойгъан джеринде.
  • Уллу сёзде уят джокъ.
  • Сормай – алма, чакъырылмай – барма.
  • Тилчиден кери бол.
  • Акъылсызны джууукъгъа алма, акъыллыны кенгнге салма.
  • Адебсиз адам – джюгенсиз ат.
  • Тау башында, тау болмаз, джангыз терек, бау болмаз.
  • Ата Джуртун танымагъан, атасын да танымаз.
  • Намысы болмагъанны, сыйы болмаз.
  • Дууулдаса – бал чибин, къонса – къара чибин.
  • Мен да «сен», дейме, сен да «кесим», дейсе.
  • Ариу – кёзге, акъыл – джюрекге.
  • Окъумагъан сокъурду, сокъур ташха абыныр!
  • Тамырсыз терекге таянма – джыгъылырса.
  • Баланы адам этген анады.
  • Ишни аллы бла къууанма да, арты бла къууан.
  • Билмезни кёзю кёрмез, этмезни къулагъы эшитмез.
  • Татлы сёз – балдан татлы.
  • Билимли ёлмез, билимсиз кёрмез.
  • Кёлю джокъну – джолу джокъ.
  • Башынга джетмегенни сорма.
  • Эртде тургъан бла эртде юйленнген сокъуранмаз.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.

Аудио

Алботова Марьяна

Файлов: 6

Обновлен: 06.07.2017

  • Алботова Марьяна Кёгюрчюн
(Голосов: 4, Рейтинг: 5)

Описание

Дата: 29.06.2014
Прослушиваний: 4030
Скачиваний: 309
Размер: 4.74 МБ
Текст песни:
Музыка Касбота Тамбиева, стихи Дины Мамчуевой.

Барды, барды бир кёгюрчюн джюрегимде,
Учуб чыгъыб, кеталмайды мийик кёкге.
Айтыр сёзюм айланады тил учумда,
Дуния бары сыйыннганды ууучума.

Джетегейли джети джулдуз джаннган кёкге,
Джанкъылычны нюр тогъайы тургъан чекге,
Къалырбызмы чыгъалмайын биз экибиз,
Тоюбузгъа джыйылмазмы тау элибиз?

Керилгенме садакъ атыб, джиберирге,
Тюшген джери мекям болур экибизге.
Къар тюбюнден джанкъоз чыкъгъан сейир джерде
Табылмазмы бир болургъа мадар бизге?

Кёкню джети къатына да джетер кибик,
Джети ёмюрню джукъланмайын кетер кибик,
Учургъанма джюрегимден бир джилтинни,
Бошлагъанма бек термилген илипинни.

Барды, барды бир кёгюрчюн джюрегимде,
Учуб чыгъыб, кетелмайды мийик кёкге.
Тыяйым деб, кюреширик тюлме энди,
Къайры сюйсе, ары учсун, дуния - кенгди.

Комментариев нет

  • Зарегистрируйтесь чтобы пользоваться плейлистом.