Расширенный поиск
18 Мая 2024 года
Логин: Регистрация
Пароль: Забыли пароль?
Навигация
Словарь
  • Ёпкелегенни ашы татлы болады.
  • Эринчекге кюн узун.
  • Ач келгенни – тойдур, кеч келгенни – къондур.
  • Термилгенинги табмазса, кюлгенинге тюберсе.
  • Телиге от эт десенг, юйюнге от салыр.
  • Ауурну тюбю бла, дженгилни башы бла джюрюген.
  • Ашхы адам – халкъ байлыгъы, ашхы джер – джашау байлыгъы.
  • Къонакъ кёб келюучю юйню, къазаны отдан тюшмез.
  • Эл ауузу – элия.
  • Таукел къуру къалмаз.
  • Экеу тутушса, биреу джыгъылыр.
  • Зарда марда джокъ.
  • Джангызны оту джарыкъ джанмаз!
  • Зар адам ашынгы ашар, кесинги сатар.
  • Къонагъынгы артмагъын алма да, алгъышын ал.
  • Байдан умут эте, джарлыдан ёгюз багъасы къорады.
  • Бал ашаргъа сюе эсенг, чибин ургъаннга тёз.
  • Айтхан сёзюне табылгъан.
  • Таш бла ургъанны, аш бла ур.
  • Ханы къызы буюгъа-буюгъа киштик болду.
  • Къонакъ болсанг, ийнакъ бол.
  • Ашхы – джыяр, аман – джояр.
  • Тилде сюек болмаса да, сюек сындырыр.
  • Чабар ат – джетген къыз.
  • Бюгюн дуния кибик, тамбла ахыратды.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Тулпарлыкъ, билекден тюл – джюрекден.
  • Акъыл къартда, джашда тюйюлдю – башдады.
  • Эм уллу байлыкъ – джан саулукъ.
  • Кёлю джокъну – джолу джокъ.
  • Татлы сёз – балдан татлы.
  • Бир онгсуз адам адет чыгъарды, деб эштирик тюлсе.
  • Рысхы – насыбха къор.
  • Хунаны тюбюн къазсанг, юсюнге ауар.
  • Ашарыкъда сайлагъаннга – чий гырджын.
  • Накъырданы арты керти болур.
  • Ач къалгъандан, кеч къалгъан къолай.
  • Таш ата билмеген, башына урур.
  • Аууз сакълагъан – джан сакълар.
  • Мухарны эси – ашарыкъда.
  • Бир абыннган – минг сюрюнюр.
  • Ашыкъгъанны этеги бутуна чырмалыр.
  • Уллу сёзде уят джокъ.
  • Биреу ашаб къутулур, биреу джалаб тутулур.
  • Кюн кёрмеген, кюн кёрсе, кюндюз чыракъ джандырыр.
  • Къарнынг къанлынга кийирир.
  • Тынгылагъан тынгы бузар.
  • Тил – кесген бычакъ, сёз – атылгъан окъ.
  • Джаным-тиним – окъуу, билим.
  • Ач къарынны, токъ билмез

Аудио

Казиев Азнор

Файлов: 36

Обновлен: 10.07.2017

  • Казиев Азнор Излейме сени
(Голосов: 1, Рейтинг: 5)

Описание

Дата: 25.08.2014
Прослушиваний: 2827
Скачиваний: 257
Размер: 6.59 МБ
Текст песни:

Музыка Мустафира Жеттеева, стихи Ануара Улакова.

Кюн таякълары терезенги къагъа,
Къарайла санга туурадан.
Халал джюрегинг тазады сени
Тауладан шаудан сууладан.

Эжиую:
Быллай бир мени нек термилтесе,
Сёзюме бурмай эсинги?
Тауда тюзде да излейме сени,
Къайдаса, билдир кесинги?

Толгъан ай кибик, джарыкъды бетинг,
Хоншу тау элде джашайса.
Кесинги бир бек сюйдюрдюнг манга,
Джюрек джаууму ашайса.

Эжиую.

Эки кёзюнг да тум къарадыла,
Къашларынг тогъай айланыб,
Сен къайры барсанг, ары барама,
Джюрегим санга байланыб...

Эжиую.

Толгъан ай кибик, джарыкъды бетинг,
Хоншу тау элде джашайса.
Кесинги бир бек сюйдюрдюнг манга,
Джюрек джаууму ашайса...

Эжиую.

Комментариев нет

  • Зарегистрируйтесь чтобы пользоваться плейлистом.