- Джырчы джырчыгъа – къарнаш.
- Кёпюр салгъан кеси ётер, уру къазгъан кеси кетер.
- Арба аугъандан сора, джол кёргюзтюучю кёб болур.
- Оюмсуз атлагъан, аджалсыз ёлюр.
- Узун джолну барсанг, бюгюн келирсе, къысха джолну барсанг, тамбла келирсе.
- Эл элде бирер малынг болгъандан эсе, бирер тенгинг болсун.
- Хар ишни да аллы къыйынды.
- Тойгъан джерге джети къайт.
- Нафысынгы айтханын этме, намысынгы айтханын эт.
- Джангыз терек къынгыр ёсер.
- Ата Джуртуму башы болмасам да, босагъасында ташы болайым.
- От этилмеген джерден тютюн чыкъмайды.
- Таукел къуру къалмаз.
- Босагъагъа джууукъ орун болса, ашыгъыб тёрге озма.
- Билимли ёлмез, билимсиз кёрмез.
- Хунаны тюбюн къазсанг, юсюнге ауар.
- Рысхысына кёре, джаш ёсер, къышлыгъына кёре, мал ёсер.
- Огъурлуну сёзю – суу, огъурсузну сёзю – уу.
- Джолунга кёре – джюрюшюнг, джагъанга кёре – юлюшюнг.
- Аурууну келиую тынч, кетиую – къыйын.
- Термилгенинги табмазса, кюлгенинге тюберсе.
- Къатын байлыкъны сюер, эр саулукъну сюер.
- Байны оноуу, джарлыгъа джарамаз.
- Алгъанда – джууукъ, бергенде – джау.
- Ата – баланы уясы.
- Ариу – кёзге, акъыл – джюрекге.
- Бек анасы джыламаз.
- Ат да турмайды бир териде.
- Тулпарлыкъ, билекден тюл – джюрекден.
- Иесиз малны бёрю ашар.
- Эл ауузу – элек, анга ийнаннган – халек.
- Таш бла ургъанны, аш бла ур.
- Ёгюзню мюйюзюнден тутадыла, адамны сёзюнден тутадыла.
- Нарт сёз – тилни бети.
- Сакъ юйюне сау барыр.
- Эркишини аманы тиширыуну джылатыр.
- Ариуну – ауруу кёб.
- Джаным-тиним – окъуу, билим.
- Зарда марда джокъ.
- Этек чакъмакълары баш джаргъан, сёлешген сёзлери таш джаргъан.
- Ат басханны джер билед.
- Адамны сабийин сюйген джюреги, бычакъча, джитиди.
- Ишленмеклик адамлыкъды.
- Ариу сёз – джаннга азыкъ, аман сёз – башха къазыкъ.
- Сакъалы текени да бар, мыйыгъы киштикни да бар.
- Эрни эр этерик да, къара джер этерик да, тиширыуду.
- Джюрекге ариу – кёзге да ариу.
- Урунуу – насыбны анасы.
- Ханы къызы буюгъа-буюгъа киштик болду.
- Къаллай салам берсенг, аллай джууаб алырса.
