Сабийдеге хапарла китабы

Жарашдыргъан: Гуртуланы Эльдар.

Малкъар суратлау проза, башхача айтханда — хапарла, повестьле, романла китапла болуп башлагъанлы алай кёп заман да озмагъанды. Бизни адабиятыбызда поэзия бла бирге проза да кесини тийишли жерин алыр ючюн, малкъарлы жазыучула тамамлы ишлегендиле. Ызы бла уа сабийлеге аталгъан проза да жаратылгъанды. Бюгюнлюкде таулу сабийле ана тиллеринде жазылгъан хапарла бла, повестле бла шагъырей болала эселе, ол миллетибизни культурасыны иги шартыды дерге боллукъбуз.

Халкъыбызны тарыхындан, аны эрттеден келген адетлеринден хапарлагъан прозаны сабийле сюйюп окъуйдула. Малкъар халкъны закий адамларыны, жигитлерини юслеринден жазылгъан затла таулу сабийлеге ахшы юлгю боладыла. Ол сыйлы ишде Малкъарны жазыучуларыны бек уллу къошумлары барды. Аны ючюн биз алагъа ыспас этебиз, бу огъурлу ишлеринде жетишимли болурларын сюйгенибизни айтабыз.

Нальчик, 1995.