Тамил тил (там. தமிழ்) — дравид тилледен эм къыбыладагъыды. Бу тилде къыбыла Индияны халкъы сёлешеди. Аны тышында тамил тилде Цейлон айрымканны шималындада сёлешедиле. Тамил Надуда миллетчиликни айныгъаны себебли, тамил тилни сёзлюгю, алгъаракъ кёб санда болгъан индоарий тилледен келген сёзледен ариуланнганды. Андан сорада, тамил тилде бек бай 2300 джыллыкъ адабият барды эмда бу тил классика тилге саналады.
