Расширенный поиск
12 Мая 2024 года
Логин: Регистрация
Пароль: Забыли пароль?
Навигация
Словарь
  • Азыгъы аз, алгъа къабар, аты аман, алгъа чабар.
  • Таукел адам тау тешер.
  • Къая джолда джортма, ачыкъ сёзден къоркъма.
  • Кийимни бичсенг, кенг бич, тар этген къыйын тюлдю.
  • Эркишиге тары кебек танг кёрюнюр.
  • Чомарт къолда мал къалмаз.
  • Сёз къанатсыз учар.
  • Джангыз терек къынгыр ёсер.
  • Тойчу джашха къарама, къойчу джашха къара.
  • Кёпюр салгъан кеси ётер, уру къазгъан кеси кетер.
  • Биреуню эскиси биреуге джангы болмайды.
  • Кеси юйюмде мен да ханма.
  • Ишленмеклик адамлыкъды.
  • Тенги кёбню джау алмаз, акъылы кёбню дау алмаз.
  • Керилген да, ургъан кибикди.
  • Джарлыны эшигин махтагъан джабар.
  • Айтылгъан буйрукъ, сёгюлмез
  • Эрине къаргъыш этген къатын, эрнин къабар.
  • Тил джюрекге джол ишлейди.
  • Тёрде – темир таякълы, къаяда – чыпчыкъ аякълы.
  • Хар ишни да аллы къыйынды.
  • Тилчиден кери бол.
  • Арбаз сайлама да, хоншу сайла.
  • Къобан да къуру да къобханлай турмайды, адам да къуру да патчахлай турмайды.
  • Берекет берсин деген джерде, берекет болур.
  • Экеу тутушса, биреу джыгъылыр.
  • Бетинги сатма, малынгы сат.
  • Нёгерсизни джолу узун.
  • Джумушакъ сёз къаты таякъны сындырыр.
  • Юре билмеген ит, къонакъ келтирир.
  • Элиб деген, элге болушур.
  • Акъыл къартда, джашда тюйюлдю – башдады.
  • Ана кёлю – балада, бала кёлю – талада.
  • Зар адам ашынгы ашар, кесинги сатар.
  • Къуру гыбыт бек дыгъырдар.
  • Ариу сёзде ауруу джокъ.
  • Ким бла джюрюсенг, аны кёзю бла кёрюнюрсе.
  • Тил – миллетни джаны.
  • Бет бетге къараса, бет да джерге къарар.
  • Махтаннган къыз, тойда джукълар.
  • Итли къонакъ джарашмаз.
  • Аякъларынгы джууургъанынга кёре узат.
  • Сангырау къулакъ эл бузар.
  • Джахил болса анасы, не билликди баласы?
  • Сагъыш – къартлыкъгъа сюйюмчю.
  • Рысхысына кёре, джаш ёсер, къышлыгъына кёре, мал ёсер.
  • Мал кёб болса, джууукъ кёб болур.
  • Айтханы чапыракъдан ётмеген.
  • Къайтырыкъ эшигинги, къаты уруб чыкъма.
  • Кюл тюбюндеги от кёрюнмейди.

Аудио

Узденов Альберт

Файлов: 48

Обновлен: 06.07.2017

  • Узденов Альберт Акъчепкен
(Голосов: 14, Рейтинг: 4.93)

Описание

Дата: 27.05.2012
Прослушиваний: 5367
Скачиваний: 3130
Размер: 10.23 МБ
Текст песни:
муз. и сл. Альберта Узденова

Болгъан кибик сени кёрген кюнюмде,
Кёз аллыма сыфатынгы келтирсем,
Сен джюзесе къанкъаз халда кёлюмде.
Бу болумдан аязыргъа тебресем.

Кёзлерими къысыб, солуу алмайын
"Сабыр болсанг" деген менде умутха,
Акъ къанкъазча нюрюнг чырт бой салмайын,
Кёлтюрюб, ташаяды булутха.

Припев:
Тюнюмде да сен,
Тюшюмде да сен,
Тилейме сенден,
Къайтыб келмезден:
"Бир кет эсимден, Акъчепкен!"

Кюнден кюннге мен барама, тюшюне,
Сени кемсиз кереклинге - джаныма.
Кетген кече сени кёрдюм тюшюмде,
Акъ кийиниб келген эдинг къатыма.

Булбул джырлаб, чайкъай джайны хауасын,
Саугъа этген кибик бизге ауазын,
Кери эдик хар сагъышдан, ёчешден,
Уянмайын къалгъа эдим ол тюшден.

Припев:
Тюнюмде да сен,
Тюшюмде да сен,
Тилейме сенден,
Къайтыб келмезден:
"Бир кет эсимден, Акъчепкен!"

Комментариев нет

  • Зарегистрируйтесь чтобы пользоваться плейлистом.