Радио

Тойну къарнашы – харс, джырны къарнашы – эжиу.
Ёпкелегенни ашы татлы болады.
Окъ къызбайны джокълайды.
Арбаз къынгырды да, ийнек сауалмайма.
Кесинге джетмегенни, кёб сёлешме.
Сангырау къулакъ эл бузар.
Ишлерге уял да, ашаргъа табма.
Игиге айтсанг – билир, аманнга айтсанг – кюлюр.
Биреу ашаб къутулур, биреу джалаб тутулур.
Тойгъа алгъа да барма, тойда артха да къалма.
Айтылгъан буйрукъ, сёгюлмез
Байма, деб да, къууанма, джарлыма, деб да, джылама.
Тюзлюк шохлукъну бегитир.
Керти сёзге тёре джокъ.
Джыйырма къойну юч джыйырма эбзе кюте эди.
Кийиминг бла танылма, адамлыкъ бла таныл.
Этек чакъмакълары баш джаргъан, сёлешген сёзлери таш джаргъан.
Бети – къучакълар, джюреги – бычакълар.
Аууз сакълагъан – джан сакълар.
Тёгюлген тюгел джыйылмайды.
Эртде тургъан джылкъычыны эркек аты тай табар.
Джаханимни кёрмей, джандетге кёл салмазса.
Урунуу – насыбны анасы.
Эки къатын алгъанны къулагъы тынгнгаймаз.
Элни кючю – эмеген.
Иги сёз – джаннга азыкъ, аман сёз башха – къазыкъ.
Ач къалгъандан, кеч къалгъан къолай.
Чёбню кёлтюрсенг, тюбюнден сёз чыгъар.
Мал кёб болса, джууукъ кёб болур.
Арыгъан къош чамчы болур.
Ата Джуртуму башы болмасам да, босагъасында ташы болайым.
Эркиши – от, тиширыу – суу.
Эринчекни аурууу – кёб.
Орундукъ тюбюнде атылсам да, орта джиликме, де да айлан.
Ашатыргъа иш – ашхы, ишлетирге аш – ашхы.
Суугъа – чабакъ, къаягъа – ыргъакъ.
Джарлы джети элни сёзюн этер.
Кенгеш болса, уруш болмаз.
Ач, тоймам, дейди, тойгъан, ач болмам, дейди.
Аман эсирсе, юйюн ояр.
Чалманны аллы къалай башланса, арты да алай барады.
Эр сокъур болсун, къатын тилсиз болсун.
Кёлсюзден сёзсюз тууар.
Ата Джуртун танымагъан, атасын да танымаз.
Иги бла джюрюсенг, джетерсе муратынга, аман бла джюрюсенг, къалырса уятха.
Сабий болмагъан джерде, мёлек болмаз.
Дуния малгъа сатылма, кесингден телиге къатылма.
Шайтан алдады, тюзлюк къаргъады.
Байлыкъ болгъан джерде, тынчлыкъ джокъду.
Хоншуну тауугъу къаз кёрюнюр, келини къыз кёрюнюр.

Чат

Внимание!