- Кёб джат да, бек чаб.
- Ариу сёз – джаннга азыкъ, аман сёз – башха къазыкъ.
- Ойнай билмеген, уруб къачар.
- Арпа, будай – ащды, алтын, кюмюш а – ташды.
- Ачыкъ джюрекге джол – ачыкъ.
- Байны оноуу, джарлыгъа джарамаз.
- Дуния мал дунияда къалады.
- Акъыл бла адеб эгизледиле.
- Адам сёзге тынгыла, акъыл сёзню ангыла.
- Ачылгъан эт джабылыр, кёрген кёз унутмаз.
- Окъугъан – асыу, окъумагъан – джарсыу.
- Айныгъанлы алты кюн, тогъайгъанлы тогъуз кюн.
- Юй кюйдю да, кюйюз чыкъды, ортасындан тюйюш чыкъды.
- Къан бла кирген, джан бла чыгъар.
- Бичгенде ашыкъма, тикгенде ашыкъ.
- Адам боллукъ, атламындан белгили болур.
- Огъурлуну сёзю – суу, огъурсузну сёзю – уу.
- Ишлемеген – тишлемез.
- Къайгъыны сюйген, къайгъы табар.
- Чомартны къолун джокълукъ байлар.
- Ата Джуртун танымагъан, атасын да танымаз.
- Тура эдим джата, къайдан чыкъды хата?
- Сууда джау джокъ, кёб сёзде магъана джокъ.
- Элге къуллукъ этмеген, элге ие болмаз.
- Берекет берсин деген джерде, берекет болур.
- Ауузу бла къуш тута айланады.
- Къолунгдан къуймакъ ашатсанг да, атаны борчундан къутулмазса.
- Ишни ахырын ойламай, аллын башлама.
- Ачыу алгъа келсе, акъыл артха къалады.
- Айтхан – тынч, этген – къыйын.
- Ойнай-ойнай кёз чыгъар.
- Иги адам абынса да, джангылмаз.
- Тилчи бир сагъатха айлыкъ хата этер.
- Ёзденликни джайгъан – джокълукъ.
- Ариу – кёзге, акъыл – джюрекге.
- Аз сёлешген, къайгъысыз турур.
- Кёпюр салгъан кеси ётер, уру къазгъан кеси кетер.
- Билмейме деген – бир сёз
- Чарсда алчыны эл кёреди.
- Рысхы – насыбха къор.
- Эки элинги тыйсанг, джети элде махталырса.
- Кийим тукъум сордурур.
- Ашхы адам – халкъ байлыгъы, ашхы джер – джашау байлыгъы.
- Уллу атлама – абынырса, уллу къабма – къарылырса.
- Байны къызы баймакъ болса да, юйде къалмаз!
- Ёлюр джаннга, ёкюл джокъ.
- Адамны джюреги нени кёрюрге сюйсе, кёзю да аны кёрюрге ёч болады.
- Акъыллы – эл иеси, тели – эл баласы.
- Ётюрюкню къуйругъу – бир тутум.
- Ётюрюкчюню шагъаты – къатында.
