Расширенный поиск
12 Мая 2024 года
Логин: Регистрация
Пароль: Забыли пароль?
Навигация
Словарь
  • Башда акъыл болмаса, эки аякъгъа кюч джетер.
  • Эки элинги тыйсанг, джети элде махталырса.
  • Аманнга да, игиге да оноусуз къатышма.
  • Эрни эр этерик да, къара джер этерик да, тиширыуду.
  • Къарт бла баш аша, джаш бла аякъ аша.
  • Джюрекден джюрекге джол барды.
  • Соргъан айыб тюлдю, билмеген айыбды.
  • Керти сёзге тёре джокъ.
  • Аш хазыр болса, иш харам болур.
  • Аджашхан тёгерек айланыр.
  • Хата – гитчеден.
  • Сакъламагъан затынга джолукъсанг, не бек къууанаса, не бек ачыйса.
  • Ач отунчуну ачыуу – бурнунда.
  • Ауругъан – джашаудан умутчу.
  • Терек ауса, отунчу – кёб.
  • Кюн – узун, ёмюр – къысха.
  • Ата джурт – алтын бешик.
  • Къуллукъчума, деб махтанма, къуллукъ – хаух джамчыды!
  • Тилчиден кери бол.
  • Чомарт къонакъ юй иесин сыйлар.
  • Чакъырылмагъан джерге барма, чакъырылгъан джерден къалма.
  • Башланнган иш битер, къымылдагъан тиш тюшер.
  • Аманнга игилик этсенг, юйюнге сау бармазса.
  • Къалгъан ишге къар джауар.
  • Аш берме да, къаш бер.
  • Узун джолну барсанг, бюгюн келирсе, къысха джолну барсанг, тамбла келирсе.
  • Окъугъан озар, окъумагъан тозар.
  • Мадар болса, къадар болур.
  • Къозулугъунда тоймагъан, къойлугъунда тоймаз.
  • Эшекге миннген – биринчи айыб, андан джыгъылгъан – экинчи айыб.
  • Бермеген къол, алмайды.
  • Джырчы ёлсе, джыры къалыр.
  • Чакъырылмагъан къонакъ тёрге атламаз.
  • Ёксюзню къалачы уллу кёрюнюр.
  • Хоншуну тауугъу къаз кёрюнюр, келини къыз кёрюнюр.
  • Хаухну атма, ёнгкючню сатма.
  • Акъыллы – эл иеси, тели – эл баласы.
  • Нафысынгы айтханын этме, намысынгы айтханын эт.
  • Къыз тиширыу кеси юйюнде да къонакъды.
  • Эри аманны, къатыны – аман.
  • Чалманны аллы къалай башланса, арты да алай барады.
  • Этек чакъмакълары баш джаргъан, сёлешген сёзлери таш джаргъан.
  • Уруну арты – къуру.
  • Ариу сёз джыланны орнундан чыгъарыр.
  • Ана кёлю – балада, бала кёлю – талада.
  • Терслик кетер, тюзлюк джетер.
  • Адам къыйынлыгъын кёлтюрюр, зауукълугъун кёлтюрмез.
  • Таякъ этден ётер, тил сюекден ётер.
  • Къарнынг тойгъунчу аша да, белинг талгъынчы ишле.
  • Джогъун бар этген, барын бал этген.

Аудио

Газаев Алим

Файлов: 54

Обновлен: 10.07.2017

  • Газаев Алим Анам
(Голосов: 11, Рейтинг: 4.64)

Описание

Дата: 17.11.2012
Прослушиваний: 9501
Скачиваний: 2893
Размер: 10.58 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.