- Къазанчы аман болса, къазаны къайнамаз.
- Билим насыб берир, билим джолну керир.
- Агъач – джерни чырайы, кийим – эрни чырайы.
- Къан бла кирген, джан бла чыгъар.
- Къызны минг тилер, бир алыр.
- Ачлыкъда тары гырджын халыуадан татлы.
- Ишленмеген джаш – джюгенсиз ат, ишленмеген къыз – тузсуз хант.
- Уллу сёзде уят джокъ.
- Кёл – къызбай, къол – батыр.
- Тойну къарнашы – харс, джырны къарнашы – эжиу.
- Ишленмеклик адамлыкъды.
- Орну джокъну – сыйы джокъ.
- Бастасын ашагъан, хантусун да ичер.
- Адебни адебсизден юрен.
- Сёз – кюмюш, джыр – алтын.
- Ишге юренсин къоллары, халкъ бла болсун джоллары.
- Айтхан – тынч, этген – къыйын.
- Татлы сёз – балдан татлы.
- Кюлме джашха – келир башха.
- Билгенни къолу къарны джандырыр.
- Байны оноуу, джарлыгъа джарамаз.
- Минг тенг да азды, бир джау да кёбдю.
- Тешик этген тынчды, аны джамагъан къыйынды.
- Ач къарным, тынч къулагъым.
- Ашхы тенг джолгъа салыр, аман тенг джолдан тайдырыр.
- Ишлерге уял да, ашаргъа табма.
- Тёрдеги кюлсе, эшикдеги ышарыр.
- Къонакъ хазыр болгъанлыкъгъа, къонакъбай хазыр тюлдю.
- Эрни эр этерик да, къара джер этерик да, тиширыуду.
- Ач келгенни – тойдур, кеч келгенни – къондур.
- Узун джолну барсанг, бюгюн келирсе, къысха джолну барсанг, тамбла келирсе.
- Бозаны арты дауур болур.
- Къыз келсе, джумуш эте келеди, къатын келсе, ушакъ эте келеди.
- Эски джаугъа ышанма.
- Ёлюр джаннга, ёкюл джокъ.
- Сангырау къулакъ эл бузар.
- Бичгенде ашыкъма, тикгенде ашыкъ.
- Кёб ант этген, кёб ётюрюк айтыр.
- Кюн – узун, ёмюр – къысха.
- Кёпюр салгъан кеси ётер, уру къазгъан кеси кетер.
- Экеулен сёлеше тура эселе, орталарына барыб кирме.
- Ётюрюкчюню шагъаты – къатында.
- Нёгерсизни джолу узун.
- Ёгюзню мюйюзлери ауурлукъ этмейдиле.
- Айтылгъан буйрукъ, сёгюлмез
- Ашарыкъда сайлагъаннга – чий гырджын.
- Хар зат кесини орнуна иги.
- Биреуню тёрюнден, кесинги эшик артынг игиди.
- Окъуу – билимни ачхычы, окъуу – дунияны бачхычы.
- Ауузу бла къуш тута айланады.
