Аудио :: Аудио:: Магомет Ахияевич Хубиев

Ханнга да келеди хариблик.
Аууздан келген, къолдан келсе, ким да патчах болур эди.
Тюзлюк шохлукъну бегитир.
Ауругъан – джашаудан умутчу.
Билим ат болуб да чабар, къуш болуб да учар.
Дууулдаса – бал чибин, къонса – къара чибин.
Джылар джаш, атасыны сакъалы бла ойнар.
Къонакъ аз олтурур, кёб сынар.
Элде адам къалмаса, ит тахтагъа минер.
Алтыда кюлмеген, алтмышда кюлмез.
Рысхысына кёре, джаш ёсер, къышлыгъына кёре, мал ёсер.
Байлыкъ тауусулур, билим тауусулмаз.
Ашарыкъда сайлагъаннга – чий гырджын.
Игиге айтсанг – билир, аманнга айтсанг – кюлюр.
Ауурну тюбю бла, дженгилни башы бла джюрюген.
Кёзюнде тереги болгъан, чёбю болгъаннга кюле эди.
Чоюнну башы ачыкъ болса, итге уят керекди.
Ёзденликни кёбю ётюрюк.
Айраннга суу къош, телиге джол бош.
Гугук кесини атын айтыб къычыргъанча, мен, мен деб нек тураса?
Мухар, кеси тойса да, кёзю тоймаз.
Насыб бютеу халкъны юлюшюдю.
Кюн – узун, ёмюр – къысха.
Алма терегинден кери кетмез.
Эл ауузу – элек, анга ийнаннган – халек.
Азыкъ аз болса, эртде орун сал.
Азыкълы ат арымаз, къатыны аман джарымаз.
Адеб этмеген, адеб кёрмез.
Аджаллыгъа окъсуз шкок атылыр.
Юй кюйдю да, кюйюз чыкъды, ортасындан тюйюш чыкъды.
Этни бети бла шорпасы.
Керилген да, ургъан кибикди.
Къайтырыкъ эшигинги, къаты уруб чыкъма.
Суугъа – таянма, джаугъа – ийнанма.
Байдан умут эте, джарлыдан ёгюз багъасы къорады.
Аллахдан тилесенг, кёб тиле.
Джумушакъ терекни къурт ашар.
Башланнган иш битер, къымылдагъан тиш тюшер.
Ургъан суудан башынгы сакъла.
Иги сеники эсе да, сюйген кесимикин этеме.
Кёлсюзден сёзсюз тууар.
Ишни ахырын ойламай, аллын башлама.
Эки ойлашыб, бир сёлешген.
Тойгъанлыкъ къойгъа джарашады.
Къуру гыбыт бек дыгъырдар.
Накъырда – кертини келечиси.
Ашына кёре табагъы, балына кёре къалагъы.
Дженгил джетерикме деб, узун джолну къоюб, къысхасын барма.
Ач уят къоймаз.
Къазанчы аман болса, къазаны къайнамаз.

Логин:	Регистрация

Пароль:	Забыли пароль?

Запомнить меня

Аудио

Магомет Ахияевич Хубиев

Скачать

Адрес