Аудио :: Аудио:: Наши Ремейки ;)

Биреуню къыйынлыгъы бла кесинге джол ишлеме.
Ат басханны джер билед.
Акъыл бла адеб эгизледиле.
Элни кючю – эмеген.
Суу кетер, таш къалыр.
Джангызны оту джарыкъ джанмаз!
Ачыкъ джюрекге джол – ачыкъ.
Ханы къызы буюгъа-буюгъа киштик болду.
От этилмеген джерден тютюн чыкъмайды.
Иги сёз – джаннга азыкъ, аман сёз башха – къазыкъ.
Ауурну тюбю бла, дженгилни башы бла джюрюген.
Ач – эснер, ат – кишнер.
Тойгъа барсанг, тоюб бар, эски тонунгу къоюб бар.
Уллу сёзде уят джокъ.
Къонагъынгы артмагъын алма да, алгъышын ал.
Къайтырыкъ эшигинги, къаты уруб чыкъма.
Къартха ушагъан джаш – акъыллы, джашха ушагъан къарт – тели.
Ишленмеген джаш – джюгенсиз ат, ишленмеген къыз – тузсуз хант.
Адам къыйынлыгъын кёлтюрюр, зауукълугъун кёлтюрмез.
Адамны артындан къара сабан сюрме.
Къыз келсе, джумуш эте келеди, къатын келсе, ушакъ эте келеди.
Тели турса – той бузар.
Къонакъ болсанг, ийнакъ бол.
Сакъалы текени да бар, мыйыгъы киштикни да бар.
Нарт сёз къарт болмаз.
Кийимни бир кюнню аясанг, минг кюннге джарар.
Келлик заман – къартлыкъ келтирир, кетген заман – джашлыкъ ёлтюрюр.
Джан саулукъ бермей, сан саулукъ бермезсе.
Чомартны къолу берекет.
Татлы сёз – балдан татлы.
Къазанчы аман болса, къазаны къайнамаз.
Джарлы эскисин джамаса, къууаныр.
Туз, гырджын аша, тюзлюк бла джаша.
Таякъ этден ётер, тил сюекден ётер.
Кёкдеги болмаса, джердегин кёрмейди.
Байлыкъ тауусулур, билим тауусулмаз.
Кёб джашагъан – кёб билир.
Сормай – алма, чакъырылмай – барма.
Биреу ашаб къутулур, биреу джалаб тутулур.
Эки ойлашыб, бир сёлешген.
Айтханы чапыракъдан ётмеген.
Джолда аягъынга сакъ бол, ушакъда тилинге сакъ бол.
Тил бла келеди джыр да.
Бети бедерден, намыс сакълама.
Эртде тургъан бла эртде юйленнген сокъуранмаз.
Иги бла джюрюсенг, джетерсе муратынга, аман бла джюрюсенг, къалырса уятха.
Хар адамгъа кеси миннген тау кибик.
Кесинге джетмегенни, кёб сёлешме.
Игини сыйлагъан адетди.
Байлыкъ адамны сокъур этер.

Логин:	Регистрация

Пароль:	Забыли пароль?

Запомнить меня

Аудио

Наши Ремейки ;)

Скачать

Адрес