Аудио :: Аудио:: Аджибеков В.

Ач келгенни – тойдур, кеч келгенни – къондур.
Кесинг сынамагъан затны, адамгъа буюрма.
Биреу къой излей, биреу той излей.
Кимни – тили, тиши онглу, кимни – къолу, иши онглу.
Джарлы тюеге минсе да, ит къабар.
Ашыкъгъанны этеги бутуна чырмалыр.
Адебсиз адам – джюгенсиз ат.
Адеби болмагъан къыз – тузсуз хант.
Ишлемеген – тишлемез.
Джангызны оту джарыкъ джанмаз!
Татлы тилде – сёз ариу, чемер къолда – иш ариу.
Къызбайны юйюне дери сюрсенг, батыр болур.
Кийимни бир кюнню аясанг, минг кюннге джарар.
Ашхы – джыяр, аман – джояр.
Сёз къанатсыз учар.
Джюз элде джюз ёгюзюм болгъандан эсе, джюз джууугъум болсун.
Адамны джюреги нени кёрюрге сюйсе, кёзю да аны кёрюрге ёч болады.
Тойгъанлыкъ къойгъа джарашады.
Аманнга да, игиге да оноусуз къатышма.
Уясында не кёрсе, учханында аны этер.
Артына баргъанны, къатына барма.
Эркиши – от, тиширыу – суу.
Элге къуллукъ этмеген, элге ие болмаз.
Джарлы эскисин джамаса, къууаныр.
Тенгни тенглиги джашай барсанг билинир.
Эки ойлашыб, бир сёлешген.
Эл тойса, тоймагъан, эл къойса, къоймагъан.
Ёзденликни джайгъан – джокълукъ.
Чабакъгъа акъыл, табагъа тюшсе келеди.
Ётюрюкню къуйругъу – бир тутум.
Къарт айтханны этмеген, къартаймаз.
Джерни букъусу кёкге къонмаз.
Кёлсюзден сёзсюз тууар.
Ишин билген, аны сыйын чыгъарады.
Джеринден айырылгъан – джети джылар, джуртундан айырылгъан – ёлгюнчю джылар.
Тешигини къатында, чычхан да батыр болур.
Эртде тургъан джылкъычыны эркек аты тай табар.
Къобан да къуру да къобханлай турмайды, адам да къуру да патчахлай турмайды.
Чалманны аллы къалай башланса, арты да алай барады.
Билгенни къолу къарны джандырыр.
Къумурсхала джыйылсала, пилни да джыгъадыла.
Дженгил джетерикме деб, узун джолну къоюб, къысхасын барма.
Тёзген – тёш ашар!
Адам бла мюлк юлешмеген эсенг, ол адамны билиб бошагъанма, деб кесинги алдама.
Чакъырылмагъан къонакъ – орунсуз.
Къарт болгъан джерде, берекет болур, сабий болгъан джерде, оюн болур.
Ёзденликни кёбю ётюрюк.
Иги бла джюрюсенг, джетерсе муратынга, аман бла джюрюсенг, къалырса уятха.
Джаным-тиним – окъуу, билим.
Кёкдеги болмаса, джердегин кёрмейди.

Логин:	Регистрация

Пароль:	Забыли пароль?

Запомнить меня

Аудио

Аджибеков В.

Скачать

Адрес