Аудио :: Аудио:: Байрамуков А.-А.

Чабакъсыз кёлге къармакъ салгъанлыкъгъа, чабакъ тутмазса.
Джаш болсун, къыз болсун, акъылы, саны тюз болсун.
Бет бетге къараса, бет да джерге къарар.
Къуллукъчума, деб махтанма, къуллукъ – хаух джамчыды!
Иги сеники эсе да, сюйген кесимикин этеме.
Джюрек кёзден алгъа кёрюр.
Экеу тутушса, биреу джыгъылыр.
Тюз сёз баргъан сууну тыяр.
Джан саулукъ бермей, сан саулукъ бермезсе.
Кюн кёрмеген, кюн кёрсе, кюндюз чыракъ джандырыр.
Джылкъыдан – ат чыгъар, тукъумдан – джаш чыгъар.
Къонакъ хазыр болгъанлыкъгъа, къонакъбай хазыр тюлдю.
Кёб джашагъан – кёб билир.
Аууз сакълагъан – джан сакълар.
Ханы къызы буюгъа-буюгъа киштик болду.
Окъугъан озар, окъумагъан тозар.
Къартны сыйын кёрмеген, къартлыгъында сыйлы болмаз.
Къатыны харакетли болса, эри къымсыз болур.
Ауругъаннга – кийик саулукъ, джетген къызгъа – чилле джаулукъ.
Ким бла джюрюсенг, аны кёзю бла кёрюнюрсе.
Ашхылыкъ джерде джатмайды, аманлыкъ суугъа батмайды.
Джашлыкъ этмеген, башлыкъ этмез.
Сабийликде юретмесенг, уллу болса – тюзелмез.
Ёлген ийнек сютлю болур.
Кийим тукъум сордурур.
Бал чибинни ургъаны – ачы, балы – татлы.
Эртде тургъан бла эртде юйленнген сокъуранмаз.
Биреу къой излей, биреу той излей.
Бойнуму джети джерден кессенг да, мен ол ишни этеллик тюлме.
Иги сёз – джаннга азыкъ, аман сёз башха – къазыкъ.
Дуния малгъа сатылма, кесингден телиге къатылма.
Намысы джокъну – дуниясы джокъ.
Кёкдеги болмаса, джердегин кёрмейди.
Аман къатын сабий табса, бий болур…
Хар ишни да аллы къыйынды.
Эринчекге кюн узун.
Бек анасы джыламаз.
Этек чакъмакълары баш джаргъан, сёлешген сёзлери таш джаргъан.
Адамны сабийин сюйген джюреги, бычакъча, джитиди.
Ата Джуртча джер болмаз, туугъан элча эл болмаз.
Джаз бир кюнню джатсанг, къыш талай кюнню абынырса.
Ач къалгъандан, кеч къалгъан къолай.
Иги джашны ышаны – аз сёлешиб, кёб тынгылар.
Сабий болмагъан джерде, мёлек болмаз.
Ата Джуртун танымагъан, атасын да танымаз.
Адамны джюреги нени кёрюрге сюйсе, кёзю да аны кёрюрге ёч болады.
Байлыкъ адамны сокъур этер.
Насыблы элин сюер, насыбсыз кесин сюер.
Ариу джол аджал келтирмез.
Айранны сюйген, ийнек тутар.

Логин:	Регистрация

Пароль:	Забыли пароль?

Запомнить меня

Аудио

Байрамуков А.-А.

Скачать

Адрес