Аудио :: Аудио:: Байчеккуев А

Чомарт бергенин айтмаз.
Мал ёлсе, сюек къалыр, адам ёлсе, иши къалыр.
Къарт болгъан джерде, берекет болур, сабий болгъан джерде, оюн болур.
Кёбню кёрген – кёб билир.
Билимсиз иш бармаз.
Борчунг бар эсе, хурджунунга ойлаб узал.
Иги – алгъыш этер, аман – къаргъыш этер.
Аджашхан тёгерек айланыр.
Иги болса, тамадама – махтау, аман болса, меннге – айыб.
Сагъыш – къартлыкъгъа сюйюмчю.
Аллахха ийнаннган кишини, Аллах онгдурур ишин.
Уллу сёзде уят джокъ.
Тау башында, тау болмаз, джангыз терек, бау болмаз.
Эллинг бла джау болсанг да, юйюнг бла джау болма.
Айырылмаз джууугъунга, унутмаз сёзню айтма.
Таукел тауну аудурур.
Арбаз сайлама да, хоншу сайла.
Къазанчы аман болса, къазаны къайнамаз.
Элге къуллукъ этмеген, элге ие болмаз.
Айныгъанлы алты кюн, тогъайгъанлы тогъуз кюн.
Къыйынлы джети элни къайгъысын этер.
Аманнга алтын чыдамаз.
Таукел къуру къалмаз.
Ойнай билмеген, оюн бузар.
Билимли ёлмез, билимсиз кёрмез.
Атадан ёксюз – бир ёксюз, анадан ёксюз – эки ёксюз.
Бозаны арты дауур болур.
Айыбны суу бла джууалмазса.
Къумурсхала джыйылсала, пилни да джыгъадыла.
Ариу сёз – къылычдан джити.
Юреннген ауруу къалмаз.
Къызны минг тилер, бир алыр.
Къатыны харакетли болса, эри къымсыз болур.
Эки ойлашыб, бир сёлешген.
Тынгылагъан тынгы бузар.
Окъугъанны бети джарыкъ.
Биреуню эскиси биреуге джангы болмайды.
Таукел адам тау тешер.
Джиби бир къат джетмей эди да, эки къат тарта эди.
Адам сёзюнден белгили.
Чыкълы кюнде чыкъмагъан, чыкъса къуру кирмеген.
Миллетни бойну – базыкъ, аны бла кюрешген – джазыкъ.
Намыс болмагъан джерде, насыб болмаз.
Ата Джуртча джер болмаз, туугъан элча эл болмаз.
Тамырсыз терекге таянма – джыгъылырса.
Аман адамны тепсинге олтуртсанг, къызынгы тилер.
Зар адам ашынгы ашар, кесинги сатар.
Оюмсуз атлагъан, аджалсыз ёлюр.
Къызын тута билмеген, тул этер, джашын тута билмеген, къул этер.
Мал кёб болса, джууукъ кёб болур.

Логин:	Регистрация

Пароль:	Забыли пароль?

Запомнить меня

Аудио

Байчеккуев А

Скачать

Адрес