Аудио :: Аудио:: Детские

Къууут – джелге, берне – бошха.
Чакъырылмай келген къонакъ сыйланмай кетер.
Тура эдим джата, къайдан чыкъды хата?
Джукъу тёшек сайламайды.
Сабыр джетер муратха, сабырсыз къалыр уятха.
Юре билмеген ит, къонакъ келтирир.
Чакъырылгъанны аты, чакъырылмагъанны багъасы болур.
Эринчекге кюн узун.
Аман эсирсе, юйюн ояр.
Рысхысына кёре, джаш ёсер, къышлыгъына кёре, мал ёсер.
Хар сёзню орну барды.
Чомарт къолда мал къалмаз.
Джылар джаш, атасыны сакъалы бла ойнар.
Хар адамгъа кеси миннген тау кибик.
Аурууну келиую тынч, кетиую – къыйын.
Кёб къычыргъандан – къоркъма, тынч олтургъандан – къоркъ.
Чарсда алчыны эл кёреди.
«Ма», - дегенни билмесенг, «бер», - дегенни билмезсе.
Иги адамны бир сёзю эки болмаз.
Бастасын ашагъан, хантусун да ичер.
Къуру гыбыт бек дыгъырдар.
Тай асырагъан, атха минер.
Адам боллукъ, атламындан белгили болур.
Ач уят къоймаз.
Ашлыкъны арба юйге келтирир, чана базаргъа элтир.
Билими азны – ауузунда кирит.
Сёз къанатсыз учар.
Кесинг сынамагъан затны, адамгъа буюрма.
Аджал соруб келмез, келсе, къайтыб кетмез.
Таш ата билмеген, башына урур.
Кёлю джокъну – джолу джокъ.
Чабакъ башындан чирийди.
Кёбден умут этиб, аздан къуру къалма.
Дуния мал дунияда къалады.
Иесиз малны бёрю ашар.
Бир абыннган – минг сюрюнюр.
Рысхы – насыбха къор.
Аджалсыз ёлюм болмаз.
Чабар ат – джетген къыз.
Урама да – ёледи, сатама да – келеди.
Босагъа таш юйге кирмей эди, тыбыр таш эшикге чыкъмай эди.
Айран ичген – къутулду, джугъусун джалагъан – тутулду.
Биреуню къыйынлыгъы бла кесинге джол ишлеме.
Баргъанынга кёре болур келгенинг.
Кёл – къызбай, къол – батыр.
Тенги кёбню джау алмаз, акъылы кёбню дау алмаз.
Атадан ёксюз – бир ёксюз, анадан ёксюз – эки ёксюз.
Къарт айтханны этмеген, къартаймаз.
Нафысынгы айтханын этме, намысынгы айтханын эт.
Ёксюзню къалачы уллу кёрюнюр.

Логин:	Регистрация

Пароль:	Забыли пароль?

Запомнить меня

Аудио

Детские

Скачать

Адрес