Аудио :: Аудио:: Карачаева А

Билимден уллу байлыкъ джокъду.
Башы джабылгъан челекге, кир тюшмез.
Къолунгдан къуймакъ ашатсанг да, атаны борчундан къутулмазса.
Аш иеси бла татлыды.
Аз сёлешген, къайгъысыз турур.
Ишлегенде эринме, ишде чолакъ кёрюнме.
Атадан ёксюз – бир ёксюз, анадан ёксюз – эки ёксюз.
Керек ташны ауурлугъу джокъ.
Къызбайны юйюне дери сюрсенг, батыр болур.
Адам туугъан джеринде, ит тойгъан джеринде.
Бир онгсуз адам адет чыгъарды, деб эштирик тюлсе.
Байма, деб да, къууанма, джарлыма, деб да, джылама.
Адамны сыфатына къарама, сёзюне къара.
Билмезни кёзю кёрмез, этмезни къулагъы эшитмез.
Суугъа – таянма, джаугъа – ийнанма.
Тюзлюк тас болмайды.
Этни да ашады, бетни да ашады.
Ач бёрюге мекям джокъ.
Къонакъ хазыр болгъанлыкъгъа, къонакъбай хазыр тюлдю.
Ана къолу ачытмаз.
Чомартха Тейри да борчлуду.
Гырджын – тепсини тамадасы.
Дженгил джетерикме деб, узун джолну къоюб, къысхасын барма.
Джырчы ёлсе, джыры къалыр.
Берекет берсин деген джерде, берекет болур.
Эл ауузу – элек, анга ийнаннган – халек.
Аманнга игилик этсенг, юйюнге сау бармазса.
Къоркъакъны кёзю экили кёрюр.
Чомарт джарлы болмаз.
Акъыл неден да кючлюдю.
Адамны бетине къарама, адетине къара.
Ауругъаннга – кийик саулукъ, джетген къызгъа – чилле джаулукъ.
Тёрдеги кюлсе, эшикдеги ышарыр.
Сабыр джетер муратха, сабырсыз къалыр уятха.
Чакъырылмай келген къонакъ сыйланмай кетер.
Ач къарным, тынч къулагъым.
Айтхан сёзюне табылгъан.
Тилчиден кери бол.
Ашхылыкъ джерде джатмайды, аманлыкъ суугъа батмайды.
Телини эшигин, махтау джабар.
Асхат ашлыкъ сата, юйдегиси ачдан къата.
Ачыу алгъа келсе, акъыл артха къалады.
Тай асырагъан, атха минер.
Ётюрюкню къуйругъу – бир тутум.
Акъыл сабырлыкъ берир.
Аджал соруб келмез, келсе, къайтыб кетмез.
Элиб деген, элге болушур.
Джылар джаш, атасыны сакъалы бла ойнар.
Къызгъанчдан ычхыныр, мухардан ычхынмаз.
Нёгер болсанг, тенг бол, тенг болмасанг, кенг бол.

Логин:	Регистрация

Пароль:	Забыли пароль?

Запомнить меня

Аудио

Карачаева А

Скачать

Адрес