Аудио :: Аудио:: Козбаева А

Билим насыб берир, билим джолну керир.
Миллетни бойну – базыкъ, аны бла кюрешген – джазыкъ.
Бети бедерден, намыс сакълама.
Аш кетер да бет къалыр.
Огъурлуну сёзю – суу, огъурсузну сёзю – уу.
Сакъ юйюне сау барыр.
Телини эшигин, махтау джабар.
Азыгъы аз, алгъа къабар, аты аман, алгъа чабар.
Акъыллы эркиши атын махтар, акъылсыз эркиши къатынын махтар.
Ашхы тенг джолгъа салыр, аман тенг джолдан тайдырыр.
Термилгенинги табмазса, кюлгенинге тюберсе.
Адам туугъан джеринде, ит тойгъан джеринде.
Джарлыны тону джаз битер.
Тили узунну, намысы – къысха.
Арпа, будай – ащды, алтын, кюмюш а – ташды.
Сёлеш деб шай берген, тохта деб, сом берген.
Чомартны къолун джокълукъ байлар.
Иесиз малны бёрю ашар.
Джан саулукъ бермей, сан саулукъ бермезсе.
Джукъу тёшек сайламайды.
Келинин тута билмеген, къул этер, къызын тута билмеген, тул этер.
Таукелге нюр джауар.
Къарыусузгъа кюлме, онгсузгъа тийме.
Дженгил джетерикме деб, узун джолну къоюб, къысхасын барма.
Ушамагъан – джукъмаз.
Берекет берсин деген джерде, берекет болур.
Ашыкъгъанны этеги бутуна чырмалыр.
Къонагъы джокъну – шоху джокъ.
Сабий кёргенин унутмаз.
Къошда джокъгъа – юлюш джокъ.
Узун джолну барсанг, бюгюн келирсе, къысха джолну барсанг, тамбла келирсе.
Адам бла мюлк юлешмеген эсенг, ол адамны билиб бошагъанма, деб кесинги алдама.
Кёб джат да, бек чаб.
Акъыл сабырлыкъ берир.
Эринчекни эр алмаз, эр алса да, кёл салмаз, кёл салса да, кёб бармаз!
Окъумагъан сокъурду, сокъур ташха абыныр!
Эри аманны, къатыны – аман.
Танг атмайма десе да, кюн къоярыкъ тюйюлдю.
Насыб бютеу халкъны юлюшюдю.
Тынгылагъан тынгы бузар.
Болджал ишни бёрю ашар.
Ишлегенде эринме, ишде чолакъ кёрюнме.
Накъырда – кертини келечиси.
Ач къарным, тынч къулагъым.
Билмегенинги, билгеннге сор.
Адеб базарда сатылмаз.
Ёлген аслан – сау чычхан.
Нафысынгы айтханын этме, намысынгы айтханын эт.
Къолунгдан къуймакъ ашатсанг да, атаны борчундан къутулмазса.
Ачыкъ джюрекге джол – ачыкъ.

Логин:	Регистрация

Пароль:	Забыли пароль?

Запомнить меня

Аудио

Козбаева А

Скачать

Адрес