Аудио :: Аудио:: Семенова С

Илму – джашауну джолу.
Насыб бютеу халкъны юлюшюдю.
Aдам боллукъ, сыфатындан белгили.
Кийимни бир кюнню аясанг, минг кюннге джарар.
Кийимни бичсенг, кенг бич, тар этген къыйын тюлдю.
Ариу сёз – къылычдан джити.
Мухарны эси – ашарыкъда.
Ач къарным, тынч къулагъым.
Сабий болмагъан джерде, мёлек болмаз.
Тиширыусуз юй – отсуз от джагъа.
Джылкъыдан – ат чыгъар, тукъумдан – джаш чыгъар.
Ким бла джюрюсенг, аны кёзю бла кёрюнюрсе.
Ачны эсинде – аш.
Сагъыш – къартлыкъгъа сюйюмчю.
Ёксюзню къалачы уллу кёрюнюр.
Олтуруб кёрюнмей эди да, ёрге туруб кёрюне эди.
Элни кючю – эмеген.
Джаханимни кёрмей, джандетге кёл салмазса.
Накъырданы арты керти болур.
Артына баргъанны, къатына барма.
Ургъан суудан башынгы сакъла.
Аз сёлешген, къайгъысыз турур.
Ариу – кёзге, акъыл – джюрекге.
Кесинге джетмегенни, кёб сёлешме.
Тилде сюек болмаса да, сюек сындырыр.
Чомарт джарлы болмаз.
Джюрекден джюрекге джол барды.
Чыбыкълыкъда бюгюлмеген, къазыкълыкъда бюгюлмей эди.
Ёнгкюч къууана барыр, джылай келир.
Къарт айтханны этмеген, къартаймаз.
Акъыл бла адеб эгизледиле.
Тёрени джагъы джокъ.
Билим ат болуб да чабар, къуш болуб да учар.
Садакъачыны джаны – къапчыгъында.
Адеб этмеген, адеб кёрмез.
Адам къаллай бир ишленмесе, аллай бир кесин уллу кёреди.
Эки ойлашыб, бир сёлешген.
Экеу тутушса, биреу джыгъылыр.
Аш берме да, къаш бер.
Тенгинг джокъ эсе – изле, бар эсе – сакъла!
Билмезни кёзю кёрмез, этмезни къулагъы эшитмез.
Айранны сюйген, ийнек тутар.
Битмегеннге сакъал – танг.
Джахил болса анасы, не билликди баласы?
Кёз – сюйген джерде, къол – ауругъан джерде.
Биреуге кёлтюрген таягъынг, кесинги башынга урур.
Ёлюк кебинсиз къалмаз.
Ата – билек, ана – джюрек!
Юйюнгден чыкъдынг – кюнюнгден чыкъдынг.
Ариу сёз – джаннга азыкъ, аман сёз – башха къазыкъ.

Логин:	Регистрация

Пароль:	Забыли пароль?

Запомнить меня

Аудио

Семенова С

Скачать

Адрес