Песен: 3 Создан:
06.05.2015 Обновлен:
06.05.2015
| 27 Апреля | 2024 года |
Навигация
- Байдан умут эте, джарлыдан ёгюз багъасы къорады.
- Эринчекни аурууу – кёб.
- Таякъ этден ётер, тил сюекден ётер.
- Адамны сыфатына къарама, сёзюне къара.
- Сууда джау джокъ, кёб сёзде магъана джокъ.
- Ётюрюк хапар аякъ тюбю бла джюрюйдю.
- Тили узунну, намысы – къысха.
- Джаханимни кёрмей, джандетге кёл салмазса.
- Дуния мал дунияда къалады.
- Адамны артындан къара сабан сюрме.
- Къарнынг ауруса, ауузунгу тый
- Джогъун бар этген, барын бал этген.
- Джюрекден джюрекге джол барды.
- Эринчекни эр алмаз, эр алса да, кёл салмаз, кёл салса да, кёб бармаз!
- Баланы адам этген анады.
- Ана – юйню кюн джарыгъы.
- Тил бла келеди джыр да.
- Джырчы ёлсе, джыры къалыр.
- Иесиз малны бёрю ашар.
- Кюл тюбюндеги от кёрюнмейди.
- Зар адам ашынгы ашар, кесинги сатар.
- Юйюнг бла джау болгъандан эсе, элинг бла джау бол.
- Джылкъыдан – ат чыгъар, тукъумдан – джаш чыгъар.
- Ёлген ийнек сютлю болур.
- Билгенни къолу къарны джандырыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къатын къылыкъсыз, эр тынчлыкъсыз.
- Ойнай билмеген, оюн бузар.
- Азыгъы аз, алгъа къабар, аты аман, алгъа чабар.
- Ёгюзню мюйюзлери ауурлукъ этмейдиле.
- Атлыны кёрсе, джаяуну буту талыр.
- Джангызны оту джарыкъ джанмаз!
- Иги адам абынса да, джангылмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Къаллай салам берсенг, аллай джууаб алырса.
- Ач къалгъандан, кеч къалгъан къолай.
- Уллу айтханны этмеген – уллаймаз.
- Ишленмеген джаш – джюгенсиз ат, ишленмеген къыз – тузсуз хант.
- Тенгинг джокъ эсе – изле, бар эсе – сакъла!
- Байны къызы баймакъ болса да, юйде къалмаз!
- Айран тёгюлсе, джугъусу къалыр.
- Кесинге джетмегенни, кёб сёлешме.
- Мал кёб болса, джууукъ кёб болур.
- Башда акъыл болмаса, эки аякъгъа кюч джетер.
- Ата Джуртун танымагъан, атасын да танымаз.
- Ашатыргъа иш – ашхы, ишлетирге аш – ашхы.
- Аллахдан тилесенг, кёб тиле.
- Ата Джуртуму башы болмасам да, босагъасында ташы болайым.
- Нёгерсизни джолу узун.
- Билген билмегенни юретген адетди.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
