Аудио :: Аудио:: Уртенова Тамара

Джыйырма къойну юч джыйырма эбзе кюте эди.
Аджашхан тёгерек айланыр.
Билимсиз иш бармаз.
Мени джылытмагъан кюн, меннге тиймесин!
Тамырсыз терекге таянма – джыгъылырса.
Чабакъсыз кёлге къармакъ салгъанлыкъгъа, чабакъ тутмазса.
Биреу ашаб къутулур, биреу джалаб тутулур.
Эри аманны, къатыны – аман.
Телини эшигин, махтау джабар.
Адамны сыфатына къарама, сёзюне къара.
Аджалсыз ёлюм болмаз.
Огъурлуну сёзю – суу, огъурсузну сёзю – уу.
Садакъачыны джаны – къапчыгъында.
Ашыкъгъанны этеги бутуна чырмалыр.
Ат басханны джер билед.
Ауругъанны сау билмез, ач къарынны токъ билмез.
Аджаллыгъа окъсуз шкок атылыр.
Тёрдеги кюлсе, эшикдеги ышарыр.
Акъдан къара болмаз.
Ариу сёз джыланны орнундан чыгъарыр.
Ашлыкъ – бюртюкден, джюн – тюкден.
Таугъа чыгъаллыкъ эсенг, тюзде къалма.
Джарлыны тону джаз битер.
Джогъун бар этген, барын бал этген.
Джырчы ёлсе, джыры къалыр.
Къайтырыкъ эшигинги, къаты уруб чыкъма.
Чалманны аллы къалай башланса, арты да алай барады.
Къазанчы аман болса, къазаны къайнамаз.
Адамны сабийин сюйген джюреги, бычакъча, джитиди.
Къазанда болса, чолпугъа чыгъар.
Къралынгы – душмандан, башынгы от бла суудан сакъла.
Ышармагъан – кюлмез, кюлмеген – къууанчны билмез.
Ашхы тенг джолгъа салыр, аман тенг джолдан тайдырыр.
Тил – миллетни джаны.
Ашда уялгъан – мухар, ишде уялгъан – хомух.
Чомарт къонакъ юй иесин сыйлар.
Хансыз джомакъ болмаз.
От этилмеген джерден тютюн чыкъмайды.
Аманны эки битли тону болур, бирин сеннге кийдирир, бирин кеси киер.
Кёзю сокъурдан – къоркъма, кёлю сокъурдан – къоркъ.
Ана кёлю – балада, бала кёлю – талада.
Аш берме да, къаш бер.
Айтхан – тынч, этген – къыйын.
Эки итни арасына сюек атма, эки адамны арасында сёз чыгъарма.
Кёбню кёрген – кёб билир.
Къонакъ аман болса, къонакъбай джунчур
Кёб джат да, бек чаб.
Эркишини аманы тиширыуну джылатыр.
Джырчы джырчыгъа – къарнаш.
Ашда – бёрю, ишде – ёлю.

Логин:	Регистрация

Пароль:	Забыли пароль?

Запомнить меня

Аудио

Уртенова Тамара

Скачать

Адрес