Аудио :: Аудио:: Къуран

Ёлюк кебинсиз къалмаз.
Кенгеш болса, уруш болмаз.
Айырылмаз джууугъунга, унутмаз сёзню айтма.
Къазанны башы ачыкъ болса, итге уят керекди.
Юй кюйдю да, кюйюз чыкъды, ортасындан тюйюш чыкъды.
Аманнга алтын чыдамаз.
Ёлген аслан – сау чычхан.
Биреуню къыйынлыгъы бла кесинге джол ишлеме.
Ёлюр джаннга, ёкюл джокъ.
Билмезни кёзю кёрмез, этмезни къулагъы эшитмез.
Суу ичген шауданынга тюкюрме.
Ашыкъгъан cуу, тенгизге джетмез.
Эр абынмай, эл танымаз.
Малны кют, джерни тюрт.
Итли къонакъ джарашмаз.
Къонакъны къачан кетерин сорма, къачан келлигин сор.
Аманны къуугъан, аманлыкъ табар.
Джеринден айырылгъан – джети джылар, джуртундан айырылгъан – ёлгюнчю джылар.
Эринчекни эр алмаз, эр алса да, кёл салмаз, кёл салса да, кёб бармаз!
Ишге юренсин къоллары, халкъ бла болсун джоллары.
Таякъ этден ётер, тил сюекден ётер.
Баргъанынга кёре болур келгенинг.
Экеу тутушса, биреу джыгъылыр.
Джыланны къуйругъундан басарынг келсе, аны башы болгъанын унутма.
Ашхы атаны – джашы ашхы, ашхы ананы – къызы ашхы.
Къыз чыгъаргъан – къызыл къымжа.
Сакъ юйюне сау барыр.
Тура эдим джата, къайдан чыкъды хата?
Кийим тукъум сордурур.
Нафысынгы айтханын этме, намысынгы айтханын эт.
Этим кетсе да, сюегим къалыр.
Ашарыкъда сайлагъаннга – чий гырджын.
Хаухну атма, ёнгкючню сатма.
Билимсиз иш бармаз.
Ата – баланы уясы.
Окъ къызбайны джокълайды.
Аз айтсам, кёб ангылагъыз.
Тынгылагъан тынгы бузар.
Чабакъгъа акъыл, табагъа тюшсе келеди.
Тойгъа барсанг, тоюб бар, эски тонунгу къоюб бар.
Къонакъ аман болса, къонакъбай джунчур
Сормай – алма, чакъырылмай – барма.
Ёмюрлюк шохлукъну джел элтмез.
Ётюрюкню къуйругъу – бир тутум.
Эртде тургъан бла эртде юйленнген сокъуранмаз.
Джюрек кёзден алгъа кёрюр.
Тай асырагъан, атха минер.
Ётюрюкчюню шагъаты – къатында.
Гыдай эчки суугъа къараб, мюйюзле кёрмесе, джашма алкъын, дегенди.
Сютню башын джалагъан къутулур, тюбюн ичген тутулур.

Логин:	Регистрация

Пароль:	Забыли пароль?

Запомнить меня

Аудио

Къуран

Скачать

Адрес