Аудио :: Аудио:: Прислушайся к словам

Тойгъан джерден туугъан джер игиди.
Баш болса, бёрк табылыр.
Татлы тилде – сёз ариу, чемер къолда – иш ариу.
Чакъырылмагъан къонакъ – орунсуз.
Малны кют, джерни тюрт.
Кютгени беш эчки, сызгъыргъаны уа, джерни джарады.
Керти сёзге тёре джокъ.
Ашхы – джыяр, аман – джояр.
Акъыл неден да кючлюдю.
Бермеген къол, алмайды.
Чарсда алчыны эл кёреди.
Къарт болгъан джерде, берекет болур, сабий болгъан джерде, оюн болур.
Чыкълы кюнде чыкъмагъан, чыкъса къуру кирмеген.
Къарнынг тойгъунчу аша да, белинг талгъынчы ишле.
Юй ишлеген балта эшикде къалыр.
Къалгъан ишге къар джауар.
Джюрекге ариу – кёзге да ариу.
Ким бла джюрюсенг, аны кёзю бла кёрюнюрсе.
Этни да ашады, бетни да ашады.
Аллахха ийнаннган кишини, Аллах онгдурур ишин.
Нёгерсизни джолу узун.
Тамбла алтындан бюгюн багъыр ашхы.
Ашда уялгъан – мухар, ишде уялгъан – хомух.
Тил джюрекге джол ишлейди.
Баргъанынга кёре болур келгенинг.
Рысхы – сют юсюнде кёмюк кибикди.
Тюз сёз баргъан сууну тыяр.
Эл элде бирер малынг болгъандан эсе, бирер тенгинг болсун.
Аман адам этегингден тутса, кес да къач.
Магъанасыз сёз – тауушсуз сыбызгъы.
Орну джокъну – сыйы джокъ.
Ашаса, ашамаса да, бёрюню ауузу – къан.
Окъугъан – асыу, окъумагъан – джарсыу.
Иги адамны бир сёзю эки болмаз.
Миллетни бойну – базыкъ, аны бла кюрешген – джазыкъ.
Тилсиз миллет джокъ болур.
Башынга джетмегенни сорма.
Джолда аягъынга сакъ бол, ушакъда тилинге сакъ бол.
Таукелге нюр джауар.
Къанны къан бла джуума, аманны аман бла къуума.
Кечеси – аяз, кюню – къыш, джарлы къаргъагъа бир аш тюш!
Бет бетге къараса, бет да джерге къарар.
Бал – татлы, балдан да бала – татлы.
Айраннга суу къош, телиге джол бош.
Къар – келтирди, суу – элтди.
Ишленмеген джаш – джюгенсиз ат, ишленмеген къыз – тузсуз хант.
Къарнынг бла ёч алма.
Аманнга да, игиге да оноусуз къатышма.
Азыкълы ат арымаз, къатыны аман джарымаз.
Къан бла кирген, джан бла чыгъар.

Логин:	Регистрация

Пароль:	Забыли пароль?

Запомнить меня

Аудио

Прислушайся к словам

Скачать

Адрес