Аудио :: Аудио:: Мы жили рядышком с Граалем

Чомартха хар кюн да байрамды.
Ачлыкъ отха секиртир.
Акъыллы – эл иеси, тели – эл баласы.
Джашынгы кесинг юретмесенг, джашау юретир.
Джаралыны джастыгъында сау ёлюр.
Кюн – узун, ёмюр – къысха.
Эли джокъну – кёлю джокъ.
Кёл – къызбай, къол – батыр.
Ач къарынны, токъ билмез
Кёрмегеннге кебек – танг, битмегеннге сакъал – танг.
Иги адамны бир сёзю эки болмаз.
Къоркъакъны кёзю экили кёрюр.
Кечеси – аяз, кюню – къыш, джарлы къаргъагъа бир аш тюш!
Аууз сакълагъан – джан сакълар.
Окъуусуз билим – джокъ, билимсиз кюнюнг – джокъ.
Игиге айтсанг – билир, аманнга айтсанг – кюлюр.
Джашны джигитлиги сорулур, къызны джигерлиги сорулур.
Билеги кючлю, бирни джыгъар, билими кючлю, мингни джыгъар.
Ётюрюк хапар аякъ тюбю бла джюрюйдю.
Адебни адебсизден юрен.
Ач, тоймам, дейди, тойгъан, ач болмам, дейди.
Хатерли къул болур.
Джарлыны тону джаз битер.
Ёгюзню мюйюзюнден тутадыла, адамны сёзюнден тутадыла.
Аджашхан тёгерек айланыр.
Чакъырылмагъан къонакъ къачан кетерин сормаз.
Бек анасы джыламаз.
Билимден уллу байлыкъ джокъду.
Ана кёлю – балада, бала кёлю – талада.
Джашлыкъ этмеген, башлыкъ этмез.
Къулакъдан эсе, кёзге ышан.
Элни кючю – эмеген.
Акъыллы айтыр эди, акъылсыз къоймайды.
Къызны минг тилер, бир алыр.
Ачылгъан эт джабылыр, кёрген кёз унутмаз.
Къайгъы тюбю – тенгиз.
Уллу къашыкъ эрин джыртар.
Ашыкъгъан cуу, тенгизге джетмез.
Ургъан суудан башынгы сакъла.
Акъыллы эркиши атын махтар, акъылсыз эркиши къатынын махтар.
Туз, гырджын аша, тюзлюк бла джаша.
Насыблы элин сюер, насыбсыз кесин сюер.
Уллу сёлешме да, уллу къаб.
Эл ауузу – элек, анга ийнаннган – халек.
Къартны сыйын кёрмеген, къартлыгъында сыйлы болмаз.
Битмегеннге сакъал – танг.
Аманны эки битли тону болур, бирин сеннге кийдирир, бирин кеси киер.
Экеу тутушса, биреу джыгъылыр.
Билими азны – ауузунда кирит.
Билимсиз иш бармаз.

Логин:	Регистрация

Пароль:	Забыли пароль?

Запомнить меня

Аудио

Мы жили рядышком с Граалем

Скачать

Адрес