Песен: 10 Создан:
29.07.2015 Обновлен:
02.08.2015
| 2 Мая | 2024 года |
Навигация
- Адеб джокъда, намыс джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Этни да ашады, бетни да ашады.
- Суу да къайтады чыкъгъан джерине.
- Ёмюрлюк шохлукъну джел элтмез.
- Башланнган иш битер, къымылдагъан тиш тюшер.
- Эринчекни аурууу – кёб.
- Билими азны – ауузунда кирит.
- Аджал соруб келмез, келсе, къайтыб кетмез.
- Эл элде бирер малынг болгъандан эсе, бирер тенгинг болсун.
- Ач да бол, токъ да бол – намысынга бек бол.
- Халкъгъа джарагъан, джарлы къалмаз.
- Къыз тиширыу кеси юйюнде да къонакъды.
- Эрни эр этерик да, къара джер этерик да, тиширыуду.
- Адамны аманы адамны бети бла ойнар.
- Адеб базарда сатылмаз.
- Къартны сыйын кёрмеген, къартлыгъында сыйлы болмаз.
- Атынг аманнга чыкъгъандан эсе, джанынг тамагъынгдан чыкъсын.
- Тиширыусуз юй – отсуз от джагъа.
- Этим кетсе да, сюегим къалыр.
- Къарнынг тойгъунчу аша да, белинг талгъынчы ишле.
- Адамны сыфатына къарама, сёзюне къара.
- Аууз сакълагъан – джан сакълар.
- Джукъу тёшек сайламайды.
- Къатыны харакетли болса, эри къымсыз болур.
- Акъыллы башны – тили къысха.
- Тойгъандан сора, ашны сёкме.
- Экиндини кеч къылсанг, чабыб джетер ашхам.
- Таш бла ургъанны, аш бла ур.
- Алтыннга тот къонмаз.
- Ёзденликни джайгъан – джокълукъ.
- Мухардан ач ычхынмаз.
- Чакъырылмагъан къонакъ тёрге атламаз.
- Айранын берсенг, челегин да къызгъанма.
- Дуния малгъа сатылма, кесингден телиге къатылма.
- Айныгъанлы алты кюн, тогъайгъанлы тогъуз кюн.
- Къарт бла баш аша, джаш бла аякъ аша.
- Тойгъа барсанг, тоюб бар, эски тонунгу къоюб бар.
- Джигер – джаннга къыйынлыкъ.
- Уллу атлама – абынырса, уллу къабма – къарылырса.
- Сууда джау джокъ, кёб сёзде магъана джокъ.
- Биреу ашаб къутулур, биреу джалаб тутулур.
- Игилик игилик бла сингдирилиучю затды.
- Акъыллы эркиши атын махтар, акъылсыз эркиши къатынын махтар.
- Агъач – джерни чырайы, кийим – эрни чырайы.
- Узун джолну барсанг, бюгюн келирсе, къысха джолну барсанг, тамбла келирсе.
- Байлыкъ тауусулур, билим тауусулмаз.
- Элде адам къалмаса, ит тахтагъа минер.
- Ашхы болсанг, атынг чыгъар, аман болсанг, джанынг чыгъар.
- Босагъа таш юйге кирмей эди, тыбыр таш эшикге чыкъмай эди.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
