Песен: 16 Создан:
30.10.2015 Обновлен:
30.10.2015
| 2 Мая | 2024 года |
Навигация
- Аман киши кеси юйюнде – къонакъ.
- Джыланны къуйругъундан басарынг келсе, аны башы болгъанын унутма.
- Ариу – кёзге, акъыл – джюрекге.
- Шапа кёб болса, аш татымсыз болур.
- Къан бла кирген, джан бла чыгъар.
- Къошда джокъгъа – юлюш джокъ.
- Ишлегенден, къарагъан уста.
- Билим – акъылны чырагъы.
- Сагъышы джокъ – джукъучу, акъылы джокъ – къаугъачы.
- Башынга джетмегенни сорма.
- Къарнынг тойгъунчу аша да, белинг талгъынчы ишле.
- Урама да – ёледи, сатама да – келеди.
- Билими азны – ауузунда кирит.
- Чакъырылмагъан къонакъ – орунсуз.
- Эркишини аманы тиширыуну джылатыр.
- Биреу къой излей, биреу той излей.
- Джарлы джети элни сёзюн этер.
- Келлик заман – къартлыкъ келтирир, кетген заман – джашлыкъ ёлтюрюр.
- Джашлыкъ этмеген, башлыкъ этмез.
- Тойгъан джерден туугъан джер игиди.
- Къарт айтханны этмеген, къартаймаз.
- Чомарт къолда мал къалмаз.
- Адебсиз адам – джюгенсиз ат.
- Джаз бир кюнню джатсанг, къыш талай кюнню абынырса.
- Окъуусуз билим – джокъ, билимсиз кюнюнг – джокъ.
- Уруну арты – къуру.
- Нёгер болсанг, тенг бол, тенг болмасанг, кенг бол.
- Хатерли къул болур.
- Тюкюрюк баш джармаз, налат кёз чыгъармаз!
- Айныгъанлы алты кюн, тогъайгъанлы тогъуз кюн.
- Иги сёз – джаннга азыкъ, аман сёз башха – къазыкъ.
- Аман къатын алгъан, арыр, иги къатын алгъан джарыр.
- Тилсиз миллет джокъ болур.
- Кёл – къызбай, къол – батыр.
- Тюзлюк тас болмайды.
- Тин – байлыгъынг, терен саулугъунг.
- Къызын тута билмеген, тул этер, джашын тута билмеген, къул этер.
- Келинни – келгинчи, бёркню кийгинчи кёр.
- Эрине къаргъыш этген къатын, эрнин къабар.
- Булут кёкге джарашыу, уят бетге джарашыу.
- Тенгинг джокъ эсе – изле, бар эсе – сакъла!
- Кийимни бичсенг, кенг бич, тар этген къыйын тюлдю.
- Адеб этмеген, адеб кёрмез.
- Эл ауузу – элия.
- Арба аугъандан сора, джол кёргюзтюучю кёб болур.
- Ёлмесенг да, къарт дамы болмазса?
- Джумушакъ терекни къурт ашар.
- Эртде тургъан бла эртде юйленнген сокъуранмаз.
- Эки итни арасына сюек атма, эки адамны арасында сёз чыгъарма.
- Арбаз сайлама да, хоншу сайла.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
