Песен: 69 Создан:
12.12.2015 Обновлен:
10.06.2016
| 3 Мая | 2024 года |
Навигация
- Этим кетсе да, сюегим къалыр.
- Хантына кёре тузу, юйюне кёре къызы.
- Аджаллыгъа окъсуз шкок атылыр.
- Бет бетге къараса, бет да джерге къарар.
- Джюрекге ариу – кёзге да ариу.
- Дуния малгъа сатылма, кесингден телиге къатылма.
- Телиге акъыл салгъандан эсе, ёлгеннге джан салырса.
- Суу кетер, таш къалыр.
- Артына баргъанны, къатына барма.
- Хатерли къул болур.
- Тау башында, тау болмаз, джангыз терек, бау болмаз.
- Байлыкъ келсе, акъыл кетер.
- Аууздан келген, къолдан келсе, ким да патчах болур эди.
- Бозаны арты дауур болур.
- Аз айтсам, кёб ангылагъыз.
- Ашхы сёз таш тешер.
- Тюзлюк тас болмайды.
- Билимден уллу байлыкъ джокъду.
- Аджалсыз ёлюм болмаз.
- Тойгъанлыкъ къойгъа джарашады.
- Юй ишлеген балта эшикде къалыр.
- Джашынгы кесинг юретмесенг, джашау юретир.
- Ойнай билмеген, уруб къачар.
- Джыйырма къойну юч джыйырма эбзе кюте эди.
- Сютден ауузу кюйген, суугъа юфгюре эди.
- Ачыу алгъа келсе, акъыл артха къалады.
- Биреуню тёрюнден, кесинги эшик артынг игиди.
- Биреуню эскиси биреуге джангы болмайды.
- Кенгеш болса, уруш болмаз.
- Джиби бир къат джетмей эди да, эки къат тарта эди.
- Адам къаллай бир ишленмесе, аллай бир кесин уллу кёреди.
- Тюзню ётмеги тюзде къалса да, тас болмаз.
- Джолунга кёре – джюрюшюнг, джагъанга кёре – юлюшюнг.
- Акъыл бла адеб эгизледиле.
- Ата – баланы уясы.
- Къайтырыкъ эшигинги, къаты уруб чыкъма.
- Ашхы тенг джолгъа салыр, аман тенг джолдан тайдырыр.
- Эл ауузу – элек, анга ийнаннган – халек.
- Экеулен сёлеше тура эселе, орталарына барыб кирме.
- Гыдай эчки суугъа къараб, мюйюзле кёрмесе, джашма алкъын, дегенди.
- Адамны бетине къарама, адетине къара.
- От кюйдюрген, сау болса да, тот кюйдюрген, сау болмаз.
- Аш кетер да бет къалыр.
- Чомартха Тейри да борчлуду.
- Къартха ушагъан джаш – акъыллы, джашха ушагъан къарт – тели.
- Миллетни бойну – базыкъ, аны бла кюрешген – джазыкъ.
- Къатын къылыкъсыз, эр тынчлыкъсыз.
- Ишлерге уял да, ашаргъа табма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Таукел адам тау тешер.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
