Аудио :: Аудио:: Къарачай-Малкъар халкъ джомакъла бла таурухла 1

Гугук кесини атын айтыб къычыргъанча, мен, мен деб нек тураса?
Айран тёгюлсе, джугъусу къалыр.
Къыз чыгъаргъан – къызыл къымжа.
Джумушакъ сёз къаты таякъны сындырыр.
Аллахдан тилесенг, кёб тиле.
Къызын тута билмеген, тул этер, джашын тута билмеген, къул этер.
Окъугъан – асыу, окъумагъан – джарсыу.
Къарын къуру болса, джюрек уру болур.
Ишлегенден, къарагъан уста.
Тилчи тилден къаныкъмаз.
Баргъанынга кёре болур келгенинг.
Мени джылытмагъан кюн, меннге тиймесин!
Элни кючю – эмеген.
Кёбге таш атма.
Адеб этмеген, адеб кёрмез.
Окъдан джара эртде-кеч болса да бителир, сёз джара, ёмюрге къалыр.
Къанны къан бла джуума, аманны аман бла къуума.
Эркишини аманы тиширыуну джылатыр.
Ёлген аслан – сау чычхан.
Тюзлюк шохлукъну бегитир.
Башсыз урчукъ тюзюне айланмаз.
Билгенни къолу къарны джандырыр.
Босагъагъа джууукъ орун болса, ашыгъыб тёрге озма.
Сютню башын джалагъан къутулур, тюбюн ичген тутулур.
Сибиртки да сыйлы болду, кюрек да кюнлю болду.
Тамчы таш тешер.
Ариуну – ауруу кёб.
Ана къолу ачытмаз.
Ёлген эшек бёрюден къоркъмайды.
Ёнгкюч къууана барыр, джылай келир.
Ашыкъгъан cуу, тенгизге джетмез.
Аманны къуугъан, аманлыкъ табар.
Ашхы сёз таш тешер.
Айтылгъан сёз ызына къайтмаз.
Атлыны кёрсе, джаяуну буту талыр.
Сабыр джетер муратха, сабырсыз къалыр уятха.
Бети къызарыучу адамны, джюреги харам болмаз.
Уллу айтханны этмеген – уллаймаз.
Сормай – алма, чакъырылмай – барма.
Бети бедерден, намыс сакълама.
Кесине оноу эте билмеген, халкъына да эте билмез.
Мухар, кеси тойса да, кёзю тоймаз.
Джаханимни кёрмей, джандетге кёл салмазса.
Ётген ёмюр – акъгъан суу.
Эм ашхы къайын ана мамукъ бла башынгы тешер.
Иги сеники эсе да, сюйген кесимикин этеме.
Адам туугъан джеринде, ит тойгъан джеринде.
Сангырау къулакъ эл бузар.
Кёзю сокъурдан – къоркъма, кёлю сокъурдан – къоркъ.
Тюкюрюк баш джармаз, налат кёз чыгъармаз!

Логин:	Регистрация

Пароль:	Забыли пароль?

Запомнить меня

Аудио

Къарачай-Малкъар халкъ джомакъла бла таурухла 1

Скачать

Адрес