Аудио :: Аудио:: Кюн джаун

Аш хазыр болса, иш харам болур.
Джыланны къуйругъундан басарынг келсе, аны башы болгъанын унутма.
Айныгъанлы алты кюн, тогъайгъанлы тогъуз кюн.
Юйлю уругъа ит чабмаз.
Ашлыкъ – бюртюкден, джюн – тюкден.
Аманны тукъумуна къарама, игини тукъумун сорма.
Джангыз торгъай джырламаз.
Бети къызарыучу адамны, джюреги харам болмаз.
Эртде тургъан джылкъычыны эркек аты тай табар.
Гыдай эчки суугъа къараб, мюйюзле кёрмесе, джашма алкъын, дегенди.
Хансыз джомакъ болмаз.
Суу ичген шауданынга тюкюрме.
Аман хансны – урлугъу кёб.
Минг тенг да азды, бир джау да кёбдю.
Бир абыннган – минг сюрюнюр.
Тулпарлыкъ, билекден тюл – джюрекден.
Иги – алгъыш этер, аман – къаргъыш этер.
Чыбыкълыкъда бюгюлмеген, къазыкълыкъда бюгюлмей эди.
Хата – гитчеден.
Адам къаллай бир ишленмесе, аллай бир кесин уллу кёреди.
Байлыкъ адамны сокъур этер.
Урунуу – насыбны анасы.
Адамны аты башхача, акъылы да башхады.
Айран тёгюлсе, джугъусу къалыр.
Къазанны башы ачыкъ болса, итге уят керекди.
Экеу тутушса, биреу джыгъылыр.
Кенгеш болса, уруш болмаз.
Адеб джокъда, намыс джокъ.
Ашлыкъны арба юйге келтирир, чана базаргъа элтир.
Ёксюзню къалачы уллу кёрюнюр.
Ата Джуртуму башы болмасам да, босагъасында ташы болайым.
Халкъгъа джарагъан, джарлы къалмаз.
Джарлыны эшигин махтагъан джабар.
Къызны минг тилер, бир алыр.
Ач къарным, тынч къулагъым.
Сескекли кесин билдирир.
Тешигини къатында, чычхан да батыр болур.
Бастасын ашагъан, хантусун да ичер.
Джети тилни билген джети кишиди.
Аз айтсам, кёб ангылагъыз.
Таякъ этден ётер, тил сюекден ётер.
Сютден ауузу кюйген, суугъа юфгюре эди.
Ач бёрюге мекям джокъ.
Тик ёргени, тик энгишгеси да болады.
Ёлюк кебинсиз къалмаз.
Келгинчи, къонакъ уялыр, келгенден сора, къонакъбай уялыр.
Олтуруб кёрюнмей эди да, ёрге туруб кёрюне эди.
Къатыны харакетли болса, эри къымсыз болур.
Тилде сюек болмаса да, сюек сындырыр.
Аджалсыз ёлюм болмаз.

Логин:	Регистрация

Пароль:	Забыли пароль?

Запомнить меня

Аудио

Кюн джаун

Скачать

Адрес