Аудио :: Аудио:: «Волшебный мир сказок»

Джырчы джырчыгъа – къарнаш.
Къыйынлы джети элни къайгъысын этер.
Аш хазыр болса, иш харам болур.
Кимни – тили, тиши онглу, кимни – къолу, иши онглу.
Кёл – къызбай, къол – батыр.
Ата джурт – алтын бешик.
Ач – эснер, ат – кишнер.
Бойнуму джети джерден кессенг да, мен ол ишни этеллик тюлме.
Ёзденликни кёбю ётюрюк.
Ариу сёз – къылычдан джити.
Джан саулукъ бермей, сан саулукъ бермезсе.
Азыкълы ат арымаз, къатыны аман джарымаз.
Ауурну тюбю бла, дженгилни башы бла джюрюген.
Мадар болса, къадар болур.
Аз сёлешген, къайгъысыз турур.
Эртде тургъан бла эртде юйленнген сокъуранмаз.
Этим кетсе да, сюегим къалыр.
Чабакъсыз кёлге къармакъ салгъанлыкъгъа, чабакъ тутмазса.
Агъач – джерни чырайы, кийим – эрни чырайы.
Джыйырма къойну юч джыйырма эбзе кюте эди.
Кесинг сынамагъан затны, адамгъа буюрма.
Уллу суу бла уллу ауруудан башынгы сакъла.
Тил бла келеди джыр да.
Джангыз торгъай джырламаз.
Аман эсирсе, юйюн ояр.
Хансыз джомакъ болмаз.
Тёрени джагъы джокъ.
Къарт бла баш аша, джаш бла аякъ аша.
Къан бла кирген, джан бла чыгъар.
Адам боллукъ, атламындан белгили болур.
Алтыда кюлмеген, алтмышда кюлмез.
Къонакъны къачан кетерин сорма, къачан келлигин сор.
Ашына кёре табагъы, балына кёре къалагъы.
Къартны сыйын кёрмеген, къартлыгъында сыйлы болмаз.
Эр сокъур болсун, къатын тилсиз болсун.
Уллу айтханны этмеген – уллаймаз.
Ата – баланы уясы.
Махтаннган къыз, тойда джукълар.
От кюйдюрген, сау болса да, тот кюйдюрген, сау болмаз.
Къошда джокъгъа – юлюш джокъ.
Ариуну – ауруу кёб.
Иесиз малны бёрю ашар.
Аякъларынгы джууургъанынга кёре узат.
Окъугъанны бети джарыкъ.
Кёбге таш атма.
Ашхылыкъ джерде джатмайды, аманлыкъ суугъа батмайды.
Ётген ёмюр – акъгъан суу.
Бастасын ашагъан, хантусун да ичер.
Къарнынг ауруса, ауузунгу тый
Туз, гырджын аша, тюзлюк бла джаша.

Логин:	Регистрация

Пароль:	Забыли пароль?

Запомнить меня

Аудио

«Волшебный мир сказок»

Скачать

Адрес