Аудио :: Аудио:: Аппаны джомакълары

Къаллай салам берсенг, аллай джууаб алырса.
Ашхы адам – халкъ байлыгъы, ашхы джер – джашау байлыгъы.
Нафысынгы айтханын этме, намысынгы айтханын эт.
Сагъышы джокъ – джукъучу, акъылы джокъ – къаугъачы.
Джюрек кёзден алгъа кёрюр.
Адамны аманы адамны бети бла ойнар.
Къанны къан бла джуума, аманны аман бла къуума.
Адеб базарда сатылмаз.
Ишин билген, аны сыйын чыгъарады.
Кёбню кёрген – кёб билир.
Сакъалы текени да бар, мыйыгъы киштикни да бар.
Кёзню ачылгъаны – иги, ауузну джабылгъаны – иги.
Бёрю да ач къалмасын, эчки да ашалмасын.
Къартны бурнун сюрт да, оноугъа тут.
Бир абыннган – минг сюрюнюр.
Эки ойлашыб, бир сёлешген.
Телиге от эт десенг, юйюнге от салыр.
Бюгюн дуния кибик, тамбла ахыратды.
Экеулен сёлеше тура эселе, орталарына барыб кирме.
Дуния мал дунияда къалады.
Джаш къарыу бла кючлю, къарт акъыл бла кючлю.
Орну джокъну – сыйы джокъ.
Ёпкелегенни ашы татлы болады.
Хар адамгъа кеси миннген тау кибик.
Эллинг бла джау болсанг да, юйюнг бла джау болма.
Босагъагъа джууукъ орун болса, ашыгъыб тёрге озма.
Адамны адамлыгъы къыйынлыкъда айгъакъланады.
Чомартны къолун джокълукъ байлар.
Къонагъынгы артмагъын алма да, алгъышын ал.
Аманнга да, игиге да оноусуз къатышма.
Эрни эр этерик да, къара джер этерик да, тиширыуду.
Мухарны эси – ашарыкъда.
Туз, гырджын аша, тюзлюк бла джаша.
Ойнай билмеген, уруб къачар.
Эки элинги тыйсанг, джети элде махталырса.
Кеси юйюмде мен да ханма.
Эски джаугъа ышанма.
Ач къарынны, токъ билмез
Битмегеннге сакъал – танг.
Сабийни джумушха джибер да, ызындан бар.
Джаш болсун, къыз болсун, акъылы, саны тюз болсун.
Тиширыусуз юй – отсуз от джагъа.
Кюн кёрмеген, кюн кёрсе, кюндюз чыракъ джандырыр.
Хатерли къул болур.
Адамгъа аман кюн соруб келмейди.
Аш иеси бла татлыды.
Джарлы тюеге минсе да, ит къабар.
Бойнуму джети джерден кессенг да, мен ол ишни этеллик тюлме.
Алтыннга тот къонмаз.
Къайгъы тюбю – тенгиз.

Логин:	Регистрация

Пароль:	Забыли пароль?

Запомнить меня

Аудио

Аппаны джомакълары

Скачать

Адрес