Песен: 24 Создан:
11.06.2016 Обновлен:
29.01.2018
| 2 Мая | 2024 года |
Навигация
- Кёлю джокъну – джолу джокъ.
- Сакъламагъан затынга джолукъсанг, не бек къууанаса, не бек ачыйса.
- Байма, деб да, къууанма, джарлыма, деб да, джылама.
- Адам къаллай бир ишленмесе, аллай бир кесин уллу кёреди.
- Сютню башын джалагъан къутулур, тюбюн ичген тутулур.
- Эртде тургъан бла эртде юйленнген сокъуранмаз.
- Чакъырылгъанны аты, чакъырылмагъанны багъасы болур.
- Башы джабылгъан челекге, кир тюшмез.
- Тин – байлыгъынг, терен саулугъунг.
- Эл ауузу – элия.
- Чомарт къонакъ юй иесин сыйлар.
- Эллинг бла джау болсанг да, юйюнг бла джау болма.
- Къатын байлыкъны сюер, эр саулукъну сюер.
- Къызгъанчдан ычхыныр, мухардан ычхынмаз.
- Джетген къыз джерли эшекни танымаз.
- Чакъырылмай келген къонакъ сыйланмай кетер.
- Джукъу тёшек сайламайды.
- Джол бла сёзню къыйыры джокъ.
- Къарын къуру болса, джюрек уру болур.
- Адам сёзюнден белгили.
- Эски джаугъа ышанма.
- Къайгъыны сюйген, къайгъы табар.
- Ишлегенден, къарагъан уста.
- Аджашханны ызындагъы кёреди, джангылгъанны джанындагъы биледи.
- Бек анасы джыламаз.
- Мухар, кеси тойса да, кёзю тоймаз.
- Къарнынг тойгъунчу аша да, белинг талгъынчы ишле.
- Джигер – джаннга къыйынлыкъ.
- Джюз элде джюз ёгюзюм болгъандан эсе, джюз джууугъум болсун.
- Адам сёзге тынгыла, акъыл сёзню ангыла.
- Итли къонакъ джарашмаз.
- Кийиминг бла танылма, адамлыкъ бла таныл.
- Таукел тауну аудурур.
- Кёкдеги болмаса, джердегин кёрмейди.
- Джолунга кёре – джюрюшюнг, джагъанга кёре – юлюшюнг.
- Сёлеш деб шай берген, тохта деб, сом берген.
- Акъыл къартда, джашда тюйюлдю – башдады.
- Берекет берсин деген джерде, берекет болур.
- Хатерли къул болур.
- Мухардан ач ычхынмаз.
- Тёзгеннге, джабылгъан эшик ачылыр.
- Джерни букъусу кёкге къонмаз.
- Ат басханны джер билед.
- Адеб этмеген, адеб кёрмез.
- Сютден ауузу кюйген, суугъа юфгюре эди.
- Урунуу – насыбны анасы.
- Насыблы элин сюер, насыбсыз кесин сюер.
- Тау башында, тау болмаз, джангыз терек, бау болмаз.
- Аллахдан тилесенг, кёб тиле.
- Эр сокъур болсун, къатын тилсиз болсун.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
