Аудио :: Аудио:: Ходжаны хапарлары

Мухар, кеси тойса да, кёзю тоймаз.
Телиге акъыл салгъандан эсе, ёлгеннге джан салырса.
Алгъанда – джууукъ, бергенде – джау.
Бети къызарыучу адамны, джюреги харам болмаз.
Къуллукъчума, деб махтанма, къуллукъ – хаух джамчыды!
Татлы сёз – балдан татлы.
Ёлген аслан – сау чычхан.
Кесинге джетмегенни, кёб сёлешме.
Ханнга да келеди хариблик.
Эл ауузу – элек, анга ийнаннган – халек.
Джюрек кёзден алгъа кёрюр.
Джюрекден джюрекге джол барды.
Аманны тукъумуна къарама, игини тукъумун сорма.
Джумушакъ терекни къурт ашар.
Ишленмеген джаш – джюгенсиз ат, ишленмеген къыз – тузсуз хант.
Аууздан келген, къолдан келсе, ким да патчах болур эди.
Окъумагъан сокъурду, сокъур ташха абыныр!
Аманнга игилик этсенг, юйюнге сау бармазса.
Чалманны аллы къалай башланса, арты да алай барады.
Билим къая тешер.
Этни да ашады, бетни да ашады.
Акъыл къартда, джашда тюйюлдю – башдады.
Сакъ юйюне сау барыр.
Босагъагъа джууукъ орун болса, ашыгъыб тёрге озма.
Хар адамгъа кеси миннген тау кибик.
Ишге юренсин къоллары, халкъ бла болсун джоллары.
Байлыкъдан саулукъ ашхыды.
Адеб базарда сатылмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Иги адам абынса да, джангылмаз.
Ач бёрюге мекям джокъ.
Ана къойну – балагъа джандет.
Чомарт джарлы болмаз.
Эринчекге кюн узун.
Аджалсыз ёлюм болмаз.
Бастасын ашагъан, хантусун да ичер.
Тил – миллетни джаны.
Билмейме деген – бир сёз
Кесинг сынамагъан затны, адамгъа буюрма.
Дженгил джетерикме деб, узун джолну къоюб, къысхасын барма.
Джаралыны джастыгъында сау ёлюр.
Ачлыкъ отха секиртир.
Ойнай билмеген, уруб къачар.
Ёмюрлюк шохлукъну джел элтмез.
Огъурлуну сёзю – суу, огъурсузну сёзю – уу.
Джаханимни кёрмей, джандетге кёл салмазса.
Тёзгеннге, джабылгъан эшик ачылыр.
Керилген да, ургъан кибикди.
Эл бла кёргенинг эрелей.
Айраннга суу къош, телиге джол бош.

Логин:	Регистрация

Пароль:	Забыли пароль?

Запомнить меня

Аудио

Ходжаны хапарлары

Скачать

Адрес