Песен: 8 Создан:
22.12.2016 Обновлен:
22.12.2016
| 2 Мая | 2024 года |
Навигация
- Таш ата билмеген, башына урур.
- Арпа, будай – ащды, алтын, кюмюш а – ташды.
- Аллахха ийнаннган кишини, Аллах онгдурур ишин.
- Къарнынг къанлынга кийирир.
- Ашаса, ашамаса да, бёрюню ауузу – къан.
- Къартха ушагъан джаш – акъыллы, джашха ушагъан къарт – тели.
- Кийиминг бла танылма, адамлыкъ бла таныл.
- Ашыкъгъан cуу, тенгизге джетмез.
- Чакъырылмагъан къонакъ къачан кетерин сормаз.
- Танг атмайма десе да, кюн къоярыкъ тюйюлдю.
- Билим къая тешер.
- Ишлегенде эринме, ишде чолакъ кёрюнме.
- Накъырда – кертини келечиси.
- Аман къатын алгъан, арыр, иги къатын алгъан джарыр.
- Биреу ашаб къутулур, биреу джалаб тутулур.
- Керилген да, ургъан кибикди.
- Джогъун бар этген, барын бал этген.
- Рысхы – насыбха къор.
- Къазанчы аман болса, къазаны къайнамаз.
- Ана кёлю – балада, бала кёлю – талада.
- Джюз элде джюз ёгюзюм болгъандан эсе, джюз джууугъум болсун.
- Атлыны ашхысы, ат тизгининден билинир
- Игиге айтсанг – билир, аманнга айтсанг – кюлюр.
- Этни бети бла шорпасы.
- Къралынгы – душмандан, башынгы от бла суудан сакъла.
- Эм ашхы къайын ана мамукъ бла башынгы тешер.
- Юйлю уругъа ит чабмаз.
- Кёл – къызбай, къол – батыр.
- Тилсиз миллет джокъ болур.
- Джангыз торгъай джырламаз.
- Уллу суу бла уллу ауруудан башынгы сакъла.
- Сёз – кюмюш, джыр – алтын.
- Намыс болмагъан джерде, насыб болмаз.
- Аууз сакълагъан – джан сакълар.
- Къалгъан ишге къар джауар.
- Кесине оноу эте билмеген, халкъына да эте билмез.
- Тешик этген тынчды, аны джамагъан къыйынды.
- Таш бла ургъанны, аш бла ур.
- Окъ къызбайны джокълайды.
- Ачлыкъда тары гырджын халыуадан татлы.
- Джырына кёре эжиую.
- Дууулдаса – бал чибин, къонса – къара чибин.
- Тил джюрекге джол ишлейди.
- Аз сёлеш, кёб ишле.
- Эр абынмай, эл танымаз.
- Тёгюлген тюгел джыйылмайды.
- Ишлерге уял да, ашаргъа табма.
- Асхат ашлыкъ сата, юйдегиси ачдан къата.
- Уллу къашыкъ эрин джыртар.
- Окъугъан – асыу, окъумагъан – джарсыу.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
