Песен: 8 Создан:
16.03.2017 Обновлен:
29.01.2018
| 2 Мая | 2024 года |
Навигация
- Къызгъанчдан ычхыныр, мухардан ычхынмаз.
- Ишленмеклик адамлыкъды.
- Чомарт бергенин айтмаз.
- Азыгъы аз, алгъа къабар, аты аман, алгъа чабар.
- Къыз келсе, джумуш эте келеди, къатын келсе, ушакъ эте келеди.
- Аман къатын сабий табса, бий болур…
- Джашлыкъ этмеген, башлыкъ этмез.
- Къан бла кирген, джан бла чыгъар.
- Босагъа таш юйге кирмей эди, тыбыр таш эшикге чыкъмай эди.
- Биреу ашаб къутулур, биреу джалаб тутулур.
- Тойгъа алгъа да барма, тойда артха да къалма.
- Къумурсхала джыйылсала, пилни да джыгъадыла.
- Ариу – кёзге, акъыл – джюрекге.
- Этни бети бла шорпасы.
- Чыбыкълыкъда бюгюлмеген, къазыкълыкъда бюгюлмей эди.
- Сангырау къулакъ эл бузар.
- Кечеси – аяз, кюню – къыш, джарлы къаргъагъа бир аш тюш!
- Оюмсуз атлагъан, аджалсыз ёлюр.
- Кёпюр салгъан кеси ётер, уру къазгъан кеси кетер.
- Тамбла алтындан бюгюн багъыр ашхы.
- Къошда джокъгъа – юлюш джокъ.
- Эркишини аманы тиширыуну джылатыр.
- Суу да къайтады чыкъгъан джерине.
- Аз сёлеш, кёб ишле.
- Билим къая тешер.
- Къайгъыны сюйген, къайгъы табар.
- Ёгюзню мюйюзюнден тутадыла, адамны сёзюнден тутадыла.
- Тюзлюк тас болмайды.
- Нёгер болсанг, тенг бол, тенг болмасанг, кенг бол.
- Окъугъан озар, окъумагъан тозар.
- Иесиз малны бёрю ашар.
- Орну джокъну – сыйы джокъ.
- Эр сокъур болсун, къатын тилсиз болсун.
- Ёлген ийнек сютлю болур.
- Къыз тиширыу кеси юйюнде да къонакъды.
- Тенгинг джокъ эсе – изле, бар эсе – сакъла!
- Чарсда алчыны эл кёреди.
- Кёзню ачылгъаны – иги, ауузну джабылгъаны – иги.
- Тилде сюек болмаса да, сюек сындырыр.
- Къонагъынгы артмагъын алма да, алгъышын ал.
- Шекер бла туз – бир болмаз, ушамагъан – юй болмаз.
- Билим – акъылны чырагъы.
- Бал – татлы, балдан да бала – татлы.
- Къуллукъчума, деб махтанма, къуллукъ – хаух джамчыды!
- Хар зат кесини орнуна иги.
- Биреуге аманлыкъ этиб, кесинге игилик табмазса.
- Джырчы джырчыгъа – къарнаш.
- Ауругъанны сау билмез, ач къарынны токъ билмез.
- Ана къойну – балагъа джандет.
- Орундукъ тюбюнде атылсам да, орта джиликме, де да айлан.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
