Аудио :: Аудио:: Кёчгюнчюлюк поэзия

Тюзню ётмеги тюзде къалса да, тас болмаз.
Кёлю джокъну – джолу джокъ.
Джауумдан сора, кюн кюйдюрюр, ётюрюкден сора, айыб кюйдюрюр.
Ашхы – джыяр, аман – джояр.
Къалгъан ишге къар джауар.
Джети тилни билген джети кишиди.
Юйлю уругъа ит чабмаз.
Ашаса, ашамаса да, бёрюню ауузу – къан.
Ариу сёз аурууунгу алыр.
Тиширыусуз юй – отсуз от джагъа.
Кёрмегеннге кебек – танг, битмегеннге сакъал – танг.
Къошда джокъгъа – юлюш джокъ.
Мураты болгъанны джюрек тебюую башхады.
Онгсузну – джакъла, тенгликни – сакъла.
Эм ашхы къайын ана мамукъ бла башынгы тешер.
Адебни адебсизден юрен.
Ишленмеклик адамлыкъды.
Дженгил джетерикме деб, узун джолну къоюб, къысхасын барма.
Кимни – тили, тиши онглу, кимни – къолу, иши онглу.
Тойчу джашха къарама, къойчу джашха къара.
Махтаннган къыз, тойда джукълар.
Терек ауса, отунчу – кёб.
Эринчекни аурууу – кёб.
Ариу – кёзге, акъыл – джюрекге.
Хатерли къул болур.
Аман эсирсе, юйюн ояр.
Мал кёб болса, джууукъ кёб болур.
Чакъырылмай келген къонакъ сыйланмай кетер.
Ишни ахырын ойламай, аллын башлама.
Тик ёргени, тик энгишгеси да болады.
Иши джокъну, сыйы джокъ.
Эл бла кёргенинг эрелей.
Бичгенде ашыкъма, тикгенде ашыкъ.
Биреуню эскиси биреуге джангы болмайды.
Ёксюзню къалачы уллу кёрюнюр.
Зар адам ашынгы ашар, кесинги сатар.
Игини сыйлагъан адетди.
Эшекге миннген – биринчи айыб, андан джыгъылгъан – экинчи айыб.
Суугъа – чабакъ, къаягъа – ыргъакъ.
Къралынгы – душмандан, башынгы от бла суудан сакъла.
Иги бла джюрюсенг, джетерсе муратынга, аман бла джюрюсенг, къалырса уятха.
От кюйдюрген, сау болса да, тот кюйдюрген, сау болмаз.
Азыкъ аз болса, эртде орун сал.
Ашда уялгъан – мухар, ишде уялгъан – хомух.
Тамчы таш тешер.
Мадар болса, къадар болур.
Халкъны джырын джырласанг, халкъ санга эжиу этер.
Агъач – джерни чырайы, кийим – эрни чырайы.
Керек ташны ауурлугъу джокъ.
Тенги кёбню джау алмаз, акъылы кёбню дау алмаз.

Логин:	Регистрация

Пароль:	Забыли пароль?

Запомнить меня

Аудио

Кёчгюнчюлюк поэзия - "Ай, Кавказ таула..."

Скачать

Адрес