Аудио :: Аудио:: Хапарла

Къартха ушагъан джаш – акъыллы, джашха ушагъан къарт – тели.
Экиндини кеч къылсанг, чабыб джетер ашхам.
Алгъанда – джууукъ, бергенде – джау.
Ауругъан – джашаудан умутчу.
Ата джурт – алтын бешик.
Окъуусуз билим – джокъ, билимсиз кюнюнг – джокъ.
Къонагъы джокъну – шоху джокъ.
Адебсиз адам – джюгенсиз ат.
Эл ауузу – элия.
Биреуге кёлтюрген таягъынг, кесинги башынга урур.
Хаухну атма, ёнгкючню сатма.
Мадар болса, къадар болур.
Бети бедерден, намыс сакълама.
Ачны эсинде – аш.
Абынмазлыкъ аякъ джокъ, джангылмазлыкъ джаякъ джокъ.
Игилик игилик бла сингдирилиучю затды.
Ойнай билмеген, уруб къачар.
Суу да къайтады чыкъгъан джерине.
Таукел къуру къалмаз.
Акъыллы башны – тили къысха.
Уллу къашыкъ эрин джыртар.
Джауумдан сора, кюн кюйдюрюр, ётюрюкден сора, айыб кюйдюрюр.
Къыз тиширыу кеси юйюнде да къонакъды.
Шайтан алдады, тюзлюк къаргъады.
Эр сокъур болсун, къатын тилсиз болсун.
Сютден ауузу кюйген, суугъа юфгюре эди.
Адам туугъан джеринде, ит тойгъан джеринде.
Джахил болса анасы, не билликди баласы?
Башланнган иш битер, къымылдагъан тиш тюшер.
Ауругъанны сау билмез, ач къарынны токъ билмез.
Аякъларынгы джууургъанынга кёре узат.
Урунуу – насыбны анасы.
Ач да бол, токъ да бол – намысынга бек бол.
Нёгерсизни джолу узун.
Тас болгъан бычакъны сабы – алтын.
Ёксюзню къалачы уллу кёрюнюр.
Къонакъ хазыр болгъанлыкъгъа, къонакъбай хазыр тюлдю.
Босагъагъа джууукъ орун болса, ашыгъыб тёрге озма.
Уллу айтханны этмеген – уллаймаз.
Къозулугъунда тоймагъан, къойлугъунда тоймаз.
Битмегеннге сакъал – танг.
Тамбла алтындан бюгюн багъыр ашхы.
Тойгъан антын унутур.
Эте билген, этген этеди, эте билмеген, юретген этеди!
Джигер – джаннга къыйынлыкъ.
Арпа, будай – ащды, алтын, кюмюш а – ташды.
Джырына кёре эжиую.
Ашын ашагъанынгы, башын да сыйла.
Сагъышы джокъ – джукъучу, акъылы джокъ – къаугъачы.
Джарлы джети элни сёзюн этер.

Логин:	Регистрация

Пароль:	Забыли пароль?

Запомнить меня

Аудио

Хапарла

Скачать

Адрес